უახლოეს პერიოდში საქართველოს გარემოსა და ჯანმრთელობის დაცვის 2018-2022 წლების სამოქმედო გეგმა შემუშავდება, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყების წინ გამართულ ბრიფინგზე განაცხადა.

პრემიერ-მინისტრის თქმით, გარემოს დაცვა და მწვანე ეკონომიკის განვითარება მთავრობის ერთ-ერთი მთავარი პრიორიტეტია, შესაბამისად, საჭიროა საკითხისადმი  კომპლექსურად მიდგომა და კონკრეტული გადაწყვეტილებების მიღება.

„უმოკლეს ვადებში ჩვენ  შევიმუშავებთ საქართველოს გარემოსა და ჯანმრთელობის დაცვის 2018-2022 წლების სამოქმედო გეგმას.ამ საკითხის პრიორიტეტულობიდან გამომდინარე, გეგმის შესრულებას ზედამხედველობას გაუწევს სპეციალური საკოორდინაციო საბჭო, რომელიც წამოადგენს საქართველოს მთავრობის სათათბირო ორგანოს და მას პირადად მე ვუხელმძღვანელებ. აქ იქნებიან ჩართულები საერთაშორისო ორგანიზაციები, ექსპერტები, სამოქალაქო საზოგადოება", - განაცხადა მამუკა ბახტაძემ.

პრემიერ-მინისტრი დღესვე მისცემს კონკრეტულ დავალებას  საბჭოს წევრი  უწყებების ხელმძღვანელებს,  რომ საქართველოს მასშტაბით გაკეთდეს სასმელი წყლით  მომარაგების სიტუაციური ანალიზი  და გაიწეროს   სამოქმედო გეგმა   ამ  მიმართულებით.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის