არ მინდა ამ დარბაზში დღეს მოვისმინო იუსტიციის საბჭოს წევრების სურვილი და ოცნება, - ამის შესახებ საპარლამენტო უმრავლესობის წევრმა ეკა ბესელიამ პლენაურლ სხდომაზე სიტყვით გამოსვლისას განაცხადა. 

როგორც ბესელიამ აღნიშნა, საქართველოს მოსახლეობა ხელისუფლებისგან ქმედითი ნაბიჯების გადადგმას ელოდება. 

"ეს ინიციატივა არ აჩერებს ახალი მოსამართლეების შემოყვანას და არ უშვებს სისტემიდან არავის, მაგრამ ეს ინიციატივა არის პარლამენტისთვის ძალიან მნიშვნელოვანი ნაბიჯი და განაცხადა - ჩვენ ვართ თუ არა რეალურად ქმედებებით მზად რომ გადავდგათ ნაბიჯები რეფორმისკენ და ვართ თუ არა ის პარლამენტი, რომელიც პოლიტიკურ ნებას აჩვენებს საზოგადოებას, რომელსაც აწუხებს ის რაც დღეს ხდება, რომ არ დადის იუსტიციის საბჭოს ჭკუაზე. როგორც ეს ინიციატივა დარეგისტრირდა, ჩვენ ვნახეთ ძალიან მძიმე სანახაობა, როდესაც შეიკრიბა საბჭო მოსამართლეებთან ერთად, მათ პირდაპირი მნიშვნელობით ფეხი დაუბაკუნეს პარლამენტს და უთხრეს, რომ ამ ცვლილებას მხარს არ დაუჭერდნენ და ვნახეთ შეცვლილი განცხადებები რამდენიმე ჩვენი კოლეგის მხრიდან. მინდა გითხრათ თითოეულ თქვენგანს, საკმარისი არ არის, ვილაპარაკოთ, რომ სამართლიანობა გვინდა ყველას, არ არის საკმარისი ვილაპარაკოთ რომ რეფორმები გვინდა, აღარ არის ამდენი დაპირებების დრო, იმიტომ რომ 7 წელია უკვე ამას ველაპარაკებით ადამიანებს. კონკრეტულ ქმედებებს ითხოვენ ჩვენგან. მზად ვარ რეალური წუხილი მოვისმინო თუ აქვთ კოლეგებს, რატომ მიაჩნიათ ეს ინიციატივა, რომ არ უნდა იყოს მხარდაჭერილი. მაგრამ მე არ მინდა ამ დარბაზში დღეს მოვისმინო იუსტიციის საბჭოს წევრების სურვილი და ოცნება. ეს არის საქართველოს პარლამენტი რომელმაც უნდა აჩვენოს რომ ის ხალხის ინტერესებს გამოხატავს და არა რამდენიმე ადამიანის ინტერესს, რომელსაც უკვე ულტიმატუმის ენით შეუძლია ელაპარაკოს ქვეყანას", - აღნიშნა ეკა ბესელიამ. 

ავტორი: ,

სოციალური ქსელები

„რუმს ჰოტელსისა“ და „აჭარა ჯგუფის“ დამფუძნებელი თემურ უგულავა გარდაიცვალა

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული