დეკანოზ გიორგი მამალაძის ადვოკატის გიორგი ფანცულაის განცხადებით, მამა გიორგის ჯანმრთელობის მდგომარეობა გუშინდელთან შედარებით დამძიმდა.

როგორც ადვოკატმა ჟურნალისტებს განუცხადა, დეკანოზს ადაადგილების უნარიც კი არა აქვს.

ამასთან, მისივე თქმით, საპატრიარქოს წარმომადგენელი, მამა ანდრია ჯაღმაიძე და ღუდუშაურის კლინიკის მედპერსონალს დეკანოზის ჯანმრთელობასთან დაკავშირებით არასწორი ინფორმაციას ავრცელებენ.

„მისი ჯანმრთელობის მდგომარეობა, გუშინდელთან შედარებით, არის ბევრად უფრო მძიმე. მას უკვე სველ წერტილში და საპირფარეშოში გადაადგილების უნარიც კი არა აქვს, ამ წუთის მდგომარეობით. უფრო მეტიც, ისეთი მდგომარეობა არის, რომ 2-3 და 5 წუთზე მეტს გაჩერების უფლებასაც არ გვაძლევენ იმიტომ, რომ უფრო დამძიმდა მისი ჯანმრთელობის მდგომარეობა. მისი ზედამხედველი ექიმი და მასთან მყოფი პირები, რომლებიც უშუალოდ ახორციელებენ სამედიცინო სფეროს მიმართულებას ვგულისხმობ, არიან აგრესიულები იმასთან დაკავშირებით, რომ მაქსიმალურად არ უნდათ, ვინმემ გამოიტანოს ის რეალური ვითარება და ინფორმაცია, რომელიც დღეს ამ წუთის მდგომარეობით დეკანოზთან მიმართებაში არის. ისინი, მისი ზედამხედველი ექიმიც პირდაპირ გადმოდიან ჩხუბზე, კამათზე და თავხედობაზე. აგრესიულად, უზრდელურად იქცევიან, პირდაპირ გეუბნებით, - აღიშნა გიორგი ფანცულაიამ.

ცნობისთვის, დეკანოზი გიორგი მამალაძე კლინიკაში გუშინ გადაიყვანეს.  ღუდუშაურის სახელობის ეროვნული სამედიცინო ცენტრის გენერალური დირექტორის პირველი მოადგილის მარინა გელანტიას ინფორმაციით, მსჯავრდებული დეკანოზ გიორგი მამალაძის ჯანმრთელობის მდგომარეობა სტაბილურია.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის