ევროკავშირი სასამართლოს გარშემო მიმდინარე პროცესებს ყურადღებით აკვირდება, - ამის შესახებ საქართველოში ევროკავშირის ელჩმა კარლ ჰარცელმა განაცხადა. 

როგორც ჰარცელმა აღნიშნა, მოსამართლეების კრიტერიუმების შერჩევის პროცესი გამჭირვალე უნდა იყოს, რადგან არ დარჩეს რაიმე კითხვის ნიშნები.

ელჩი ეკა ბესელიას ინიციატივაც გამოეხმაურა და აღნიშნა, რომ მისთვის სრულიად გასაგებია, თუ რატომ დადგა დღის წესრიგში ეს საკითხი.

"ევროკავშირი სხვა ორგანიზაციებთან ერთად ყურადღებით ვაკვირდებით სასამართლო რეფორმას. მიგვაჩნია, რომ ის წესები და კრიტერიუმები, რომელიც უნდა შემუშავდეს მოსამართლეთა არჩევის პროცესში უნდა იყოს გამჭირვალე და სანდო. ეს აუცილებელია ქართული მართლმსაჯულებისთვის იმისათვის, რომ მართლმსაჯულების მიმართ არსებობდეს ნდობა არამხოლოდ საქართველოს მხრიდან, არამედ უცხოელი ინვესტორების მხრიდანაც. რაც შეეხება ეკა ბესელიას ინიციატივას, ჩემთვის გასაგებია რატომ წარადგინა მან ეს ინიციატივა. თუმცა მე არ ვარ უფლებამოსილი რომ ეს შევაფასო. ეს არის საკითხი, რომელიც უნდა შეფასდეს და გადაწყდეს ადგილობრივი კანონმდებლობისა და კონსტიტუციის შესაბამისად“, - განაცხადა კარლ ჰარცელმა.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა