დღეს, შინაგან საქმეთა სამინისტრომ, დროებითი მოთავსების იზოლატორების განვითარების გეგმის, 2018 წლის შედეგები გააცნო საზოგადოებას. პრეზენტაცია ევროკავშირისა და გაეროს ერთობლივი პროექტის "ადამიანის უფლებები ყველასათვის" მხარდაჭერით გაიმართა.

ანგარიშის წარდგენას ევროკავშირის ელჩი,  სახალხო დამცველი, სხვადასხვა სახელმწიფო უწყებების, არასამთავრობო სექტორისა და სხვა საერთაშორისო ორგანიზაციების წარმომადგენლები დაესწრნენ.

საქართველოში ევროკაშირის ელჩმა, კარლ ჰარცელმა შინაგან საქმეთა სამინისტროს მხარდაჭერა გამოხატა და ადამიანის უფლებების დაცვის კუთხით სამინისტროს მიერ გადადგმულ წარმატებულ ნაბიჯებს და წინსვლას გაუსვა ხაზი.

"პირველ რიგში, აქ ვარ იმიტომ, რომ აღვნიშნო ის წინსვლა რომელიც განხორციელდა შინაგან საქმეთა სამინისტროსთან თანამშრომლობით. მოგეხსენებათ წინასწარი დაკავების იზოლატორებში პირობების გაუმჯობესება იყო ევროპის საბჭოს და სახალხო დამცველის რეკომენდაციებში და დღეს ჩვენ ვხედავთ, რომ ნამდვილად გაუმჯობესებულია პირობები. ჩვენ სამუშაო დონეზე ძალიან კარგი თანამშრომლობა გვაქვს სამინისტროსთან არაერთ სფეროში და ვხედავთ წინსვლას ასევე იმაში, რომ სამინისტრო ადამიანის უფლებების კუთხით ხედავს ამ თემატიკას, რაც პენიტენციურ სისტემას ეხება და ზოგადად რაც შეეხება ადამიანის დაკავებას და ჩემი აქ ყოფნა არის დასტური იმ მხარდაჭერისა, რომელსაც ჩვენ ვუჭერთ შინაგან საქმეთა სამინისტროს. ასევე ხაზი მინდა გავუსვა წარმატებულ თანამშრომლობას".- განაცხადა ევროკავშირის ელჩმა.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის