აუტისტური სპექტრის მქონე ბავშვთა რეაბილიტაციის პროგრამის ბენეფიციართა რაოდენობა 850-დან 1000 ბავშვამდე გაიზრდება.

როგორც თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა, ყველა ის ბავშვი, რომელიც მომლოდინეთა რიგში იმყოფებოდა, რეაბილიტაციის პროგრამაში ჩართვას შეძლებს. 

„დღეის მდგომარეობით, ჩვენ აუტისტური სპექტრის მქონე 850 ბავშვს ვაფინანსებთ, რომლებიც სხვადასხვა დაწესებულებაში არიან გადანაწილებული. დედაქალაქის მთავრობა წლებია, ამ მიმართულებით მუშაობს. შვიდი დაწესებულებაა, რომელიც ამ ბავშვებს მომსახურებას უწევს. როდესაც საკრებულოში ვიყავი, ერთ-ერთი ოპოზიციური პარტიის მხრიდან დაისვა კითხვა - თუ იყო შესაძლებელი იმ ბავშვთა რაოდენობა გაზრდილიყო, რომელსაც მერია მოემსახურება და დააფინანსებს. რამდენადაც ვიცი, 130-ზე მეტი მომლოდინეს რეჟიმში იყო. ჩვენ, ჩემი თანამშრომლები, ჩემი მოადგილე სოფიო ხუნწარია პირადად იყო პროცესში ჩართული, დავსხედით ამ ოპოზიციური პარტიის წარმომადგენლებთან ერთად და მივიღეთ გადაწყვეტილება, რომ ბენეფიციართა რაოდენობა 1000-მდე გავზარდოთ, ანუ სრულად დავაკმაყოფილოთ ის ბავშვები, რომლებიც მომლოდინეს რეჟიმში იყვნენ. ამისთვის 3.700 მლნ ლარს ვხარჯავდით. ამ გადაწყვეტილებით კი, დაახლოებით, 445 ათასი ლარი გამოიყოფა იმისთვის, რომ ამ ოჯახებს და ბავშვებს ხელი მაქსიმალურად შევუწყოთ“, - განაცხადა კახა კალაძემ. 

თბილისის მერმა ოპოზიციური პარტიის წარმომადგენლებს თანამშრომლობისთვის მადლობა გადაუხადა. 

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის