ეროვნულ-დემოკრატიული ინსტიტუტის (NDI) კვლევის მიხედვით, გამოკითხულთა უმეტესობა ფიქრობს, რომ საპრეზიდენტო არჩევნების პირველ და მეორე ტურში ხმების დათვლა სწორად მოხდა.

კვლევის თანახმად, გამოკიტხულთა 24 % სრულად დარწმუნებულია, რომ ხმების დათვლა სწორედ მოხდა, 24 % - ნაწილობრივ დარწმუნებულია, 15 % - ნაკლებად დარწმუნებულია, 11 % - საერთოდ არ არის დარწმუნებული, 19 %-მა კი არ იცის. 

რაც შეეხება მეორე ტურს, 25 % სრულად დარწმუნებულია, რომ ხმების დათვლა სწორად მოხდა, 28 % ნაწილობრივ დარწმუნებულია, 16 % ნაკლებადაა დარწმუნებული, 14 % „რულიად არ არის დარწმუნებული, დანარჩენებმა კი ან არ იციან, ან პასუხზე უარს აცხადებენ.

ამასთან, გამოკითხულთა 71 პროცენტი აცხადებს, რომ საარჩევნო უბანთან კანდიდატთა კოორდინატორები, რომლებიც ამომრჩევლების შესახებ ინფორმაციას ინიშნავდნენ ან ამომრჩევლებს პირად ინფორმაციას თხოვდნენ, არ შეუნიშნავთ. კვლევის თანახმად, გამოკითხულთა 92 პროცენტი ამბობს, რომ საპრეზიდენტო არჩევნებისას საარჩევნო უბანზე სიტუაცია მოწესრიგებული იყო.

გამოკითხულთა 81% მიიჩნევს, რომ არჩევნებზე პასუხისმგებელი პირები კარგად იყვნენ მომზადებულები.

"ეროვნულ-დემოკრატიულმა ინსტიტუტმა" (NDI) კვლევის საველე სამუშაო, საქართველოს მასშტაბით, 6-20 დეკემბრის პერიოდში ჩაატარა და პირისპირ ინტერვიუს სახით, წარმომადგენლობითი შერჩევის საფუძველზე, 2 205 ადამიანი გამოკითხა. ცდომილების ზღვარი 2.1%-ია. 

ავტორი: ,

სოციალური ქსელები

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო

თბილისის საერთაშორისო აეროპორტის გაფართოების პროექტი დაიწყო

ლაბორატორიული კვლევების მიხედვით, შავი ზღვის წყლის ხარისხი საქართველოს სანაპიროს მთელ პერიმეტრზე ნორმის ფარგლებშია

ერთმა პირმა ღამის კლუბის დაცვა დაჭრა, იგი დააკავეს