„ჯეოსელისა“ და „მაგთიკომის“ აბონენტებისთვის მომსახურების ტარიფები იზრდება.

„მაგთიკომის“ განახლებული ტარიფები 18 თებერვლიდან შევა ძალაში, ხოლო „ჯეოსელის“ 1 მარტიდან. 
როგორც „ჯეოსელში“ აცხადებენ, ახალი საფასო პოლიტიკის შედეგად, როგორც ფიქსირებული, ასევე მობილური ქსელის აბონენტები გაუმჯობესებულ პაკეტებს მიიღებენ. 

კომპანია „სილქნეტის" განცხადების თანახმად, „ჯეოსელის" აბონენტებისთვის პაკეტი „მეტი S" 5-ის ნაცვლად 7 ლარი ეღირება, „მეტი M - 10-ის ნაცვლად 15 ლარი, ხოლო „მეტი უსასრულო" - 25-ის ნაცვლად 30 ლარი. რაც შეეხება ახალ მობილურ ინტერნეტპაკეტებს, ფასები შემდეგნაირად გამოიყურება: 1.5 გბ 6 ლარი, 3 გბ 8 ლარი, 5 გბ 12 ლარი, 8 გბ 15 ლარი, 20 გბ 30 ლარი, 2 გბ დღიური 1,5 ლარი.

„ძვირფასო აბონენტებო, მოგეხსენებათ, 2018 წლის განმავლობაში კომპანია სილქნეტმა არაერთი მნიშვნელოვანი სიახლე შემოგთავაზათ, რაც მოიცავდა როგორც სილქ+-ის კონვერგენტულ პაკეტებს, ასევე მობილურ ქსელში 4.5G ტექნოლოგიის დანერგვას და მობილური ინტერნეტის ხარისხის მნიშვნელოვან გაუმჯობესებას. კომპანია აგრძელებს ინოვაციური პროდუქტებისა და სერვისების შეთავაზებას, რაც ჩვენს აბონენტებს კიდევ უფრო მეტ კომფორტს შეუქმნის. 1 მარტიდან კომპანია გეგმავს სატარიფო ცვლილებებს. ახალი საფასო პოლიტიკის შედეგად, როგორც ფიქსირებული, ასევე მობილური ქსელის აბონენტები მიიღებენ გაუმჯობესებულ პაკეტებს და მობილური ინტერნეტის გაზრდილ მოცულობებს“, - აცხადებენ კომპანიაში.

განახლებული ტარიფების მიხედვით, „მაგთის“ აბონენტებს პაკეტი „მარტივის“ შეძენა 25 ლარის ნაცვლად 30 ლარად შეეძლებათ. ინტერნეტის მოცულობა კი 1 GB-ის ნაცვლად, 1.5 GB-მდე გაიზრდება. რაც შეეხება ინტერნეტპაკეტებს, 3 ლარად 500 MB-ის შეძენა აღარ შეგეძლებათ. მინიმალური პაკეტი 5 ლარი ეღირება და მისი მოცულობა 1GB იქნება.

გარდა ამისა, კომპანიები მობილური ნომრის მომსახურების საფასურსაც აწესებენ, რომელიც „ჯეოსელის“ შემთხვევაში თვეში 20 თეთრი, ხოლო „მაგთის“ აბონენტებისთვის 180 დღეზე - 1 ლარი იქნება.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით