დიდ დიღომში აფეთქების შედეგად დაშავებულები საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, დავით სერგეენკომ მოინახულა.

ის იაშვილის სახელობის ბავშვთა საავადმყოფოში მყოფი პაციენტის ჯანმრთელობის მდგომარეობას პირადად გაეცნო. ამ დროისთვის, ბავშვი სტაბილურ მდგომარეობაში, ექიმთა მეთვალყურეობის ქვეშ რჩება. მას ქირურგიული ოპერაცია და ყველა საჭირო გამოკვლევა უკვე ჩაუტარდა. იაშვილის სახელობის ბავშვთა საავადმყოფო დილით დატოვა ხუთმა პაციენტმა. მათ ჯანმრთელობას საფრთხე არ ემუქრება.

დღეს ღუდუშაურის სახელობის ეროვნულ სამედიცინო ცენტრს კორპუსის კიდევ ერთმა მცხოვრებმა მიმართა. მას ყველა ყველა საჭირო ინსტრუმენტული კვლევა ჩაუტარდა.  21 წლის ორსულს ნერვული ფონის მატება აღენიშნებოდა. ის ამ დროისთვის, კლინიკაში, შემდგომის დაკვირვებისთვის რჩება. პაციენტი პირადად მოინახულა ჯანდაცვის მინისტრმა.

დიდ დიღომში აფეთქება 16 იანვრის საღამოს მოხდა. შემთხვევას 4 ადამიანი, მათ შორის ერთი ბავშვი ემსხვერპლა. სხეულის სხვადასხვა სიმძიმის დაზიანება მიიღო 8 პირმა.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით