Le McDonalds-ის შესახებ ბოლო დღეებია ბევრი საუბრობს. ვაკეში არსებული ბანერის ფოტოები სოციალურ ქსელებში აქტიურად ვრცელდება და მათ ასობით ადამიანი აზიარებს. არის აზრთა სხვადასხვაობა თუ რას უნდა ნიშნავდეს არტიკლი „Le”, სინამდვილეში ეს მაკდონალდსის თიზერ კამპანიაა,  რომელიც მაკდონალდსის ახალ რესტორანთან ერთად სრულიად განსხვავებული კონცეფციის კვების ობიექტს მაკკაფეს აანონსებს.

პოპულარული სარესტორნო გლობალური ქსელი მაკდონალდსი, ყავის და დესერტების მოყვარულებს  ახალ ბრენდს - „მაკკაფეს“ მალე გააცნობს. „მაკკაფე“ მაკდონალდსის ახალ რესტორანთან ერთად ვაკეში, არაყიშვილის ქუჩაზე გაიხსნება. მაკდონალდსის შვილობილი კომპანია მომხმარებელს არომატული ყავის მრავალფეროვან ასორტიმენტს და უგემრიელესი დესერტების არჩევანს შესთავაზებს. 
მაკდონალდსი ყოველთვის ორიენტირებულია მომხმარებლის სტუმრობის კმაყოფილების დონის გაზრდაზე, კომპანია ყოველთვის ცდილობს იყოს ინოვატორი. 

„თბილისში პირველი „მაკკაფეს“ გახსნა ვაკეში, მაკდონალდსის ახალ რესტორანთან ერთად გადავწყვიტეთ, თუმცა უახლოეს მომავალში იგეგმება მისი სხვა უბნებში გახსნაც. „მაკკაფე“ თავისი  კონცეფციით და მომსახურების კუთხით სხვა რესტორნებისგან განსხვავებული იქნება. ბანერის სახით გავრცელებული  „ლე მაკდონალდსის“ მესიჯიც სწორედ ამ ფაქტს დავუკავშირეთ“ - აცხადებენ მაკდონალდსში.

"მაკდონალდსის" ახალი რესტორნის პროექტი შესრულებულია ავსტრიული კომპანია Schloffer-ის მიერ, მშენებლობისთვის გამოყენებულია ეკოლოგიურად სუფთა, 100%-ით ბუნებრივი სამშენებლო მასალები, რომლებიც სრულად აკმაყოფილებს ევროპულ სტანდარტებს. რესტორნის ინფრასტრუქტურა სრულად მორგებულია შშმ პირებზე. მაკდონადსში უდიდესი მნიშვნელობა ენიჭება საკვების შენახვისა და მომზადების საერთაშორისო სტანდარტების დაცვას, რესტორანი აღჭურვილია  შვეიცარიული კომპანია Franke-ს დანადგარებით.

ახალი რესტორანის ინვესტიცია ჯამურად შეადგენს 5,490,000 ლარს. დღეისთვის მაკდონალდსის ქსელში საქართველოს მასშტაბით 1000-მდე ახალგაზრდაა დასაქმებული, რომელთა საშუალო ასაკი 20-22 წელია. კომპანიის მიერ გახსნის დღიდან საქართველოს ბიუჯეტში შენატანები 89,922,448 ლარი შეადგენს.

„მაკდონალდსი“ რესტორნების წამყვანი გლობალური ქსელია, რომელიც მსოფლიოს 119 ქვეყანაში ოპერირებს და ყოველდღიურად დაახლოებით 68 მილიონ ადამიანს ემსახურება. საქართველოში „მაკდონალდსის“ პირველი რესტორანი 1999 წლის 5 თებერვალს გაიხსნა და მას შემდეგ სხვადასხვა რეგიონში გეგმაზომიერად ფართოვდება: თბილისში, ბათუმში, ქუთაისში, ზუგდიდში და რუსთავში მთლიანობაში 15 ობიექტს მოიცავს.

ფოტო - რეზი ბესელაშვილი

წყარო - facebook

(R)

ავტორი: ,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო