„მე არ მიმაჩნია, რომ გუნდურობის პრინციპი დაირღვა, როდესაც გედი ფოფხაძის კანდიდატურა დავასახელე პირველ მოადგილედ, ეს იყო ბევრად უფრო ადრე შეთანხმებული, პარტიის ხელმძღვანელთანაც, მქონდა საუბარი პარლამენტის თავმჯდომარესთანაც“, - ამის შესახებ პარლამენტის იურიდიულ საკითხთა კომიტეტის წევრმა, ეკა ბესელიამ პრესკონფერენციაზე განაცხადა.

ბესელია „ქართული ოცნების“ თავმჯდომარის, ბიძინა ივანიშვილის განცხადებებს გამოეხმაურა, რომელმაც აღნიშნა, რომ ეკა ბესელიამ გუნდურობის წესი დაარღვია.

როგორც მან აღნიშნა, დახურული თემების საჯაროდ გამოტანა არ არის სწორი ფორმა.

„მე არასოდეს არ ვიხევ უკან, არ მჩვევია შუა გზაზე გაჩერება. არ მახსენდება არცერთი შემთხვევა, ჩემი საჯარო აქტიურობის, 17 წლის ასაკიდან დაწყებული, მე როდესმე, ყველაზე უფრო კრიტიკულ სიტუაციაში უკან დამეხია. არც ახლა არ ვაპირებ უკან დახევას. მე ვთქვი, ის, რაც მიმაჩნდა ყველაზე მნიშვნელოვნად, რაც იყო ყველაზე მთავარი, თუ  დარჩა ადგილი უფრო არამთავარი კითხვებისთვის, ამ კითხვაზე გიპასუხებთ. შემიძლია გიპასუხოთ პირდაპირ, ღიად, ჩემი პროფესიული ეთიკა, ადვოკატის პროფესიული ეთიკაც არასოდეს არ მაძლევდა იმის უფლებას ღიად და საჯაროდ დავპირისპირებოდი იმ ადამიანებს, ვისაც მე ვიცავდი, მათ შორის ბიძინა ივანიშვილს. ვიცავდი მას, როგორც ადვოკატი. მე არ მიმაჩნია, რომ ღია და საჯარო  დებატები თუ ღია კონფლიქტები და დახურული საუბრების საჯაროდ გამოტანა არის ფორმა და ის მაღალი პოლიტიკური კულტურა, ან ის ეთიკა, რომელიც რომელიმე პოლიტიკოსს ან რომელიმე პოლიტიკურ პროცესს რაიმეს შემატებს. მაგრამ არასოდეს არ მოვრიდებივარ განსხვავებული პოზიციის დაფიქსირებას შიგნით, მათ შორის ბიძინა ივანიშვილთან, როდესაც ეს პოზიცია მქონდა“, - აღნიშნა ეკა ბესელიამ. 

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე