საქართველოს ოკუპირებული ტერიტორიებიდან იძულებით გადაადგილებულ პირთა,  განსახლებისა და ლტოლვილთა მინისტრის მოადგილეები გრიგოლ გიორგაძე და შოთა რეხვიაშვილი გუშინ,   სამინისტროს თანამშრომლებთან ერთად,   ახალდაბაში იმყოფებოდნენ და სტიქიის შედეგად დაზარალებულ მოსახლეობას დამეწყრილი ტერიტორიების გაწმენდა-დასუფთავებაში ეხმარებოდნენ.

ამის შესახებ „ექსპრესნიუსს“ ლტოლვილთა და განსახლების სამინისტროდან აცნობეს.

მათივე ცნობით, გარე სამყაროს მოწყვეტილ ახალდაბაში, სტიქიური უბედურებიდან რამდენიმე საათში, პირველები ჩავიდნენ სოზარ სუბარი,   გიორგი კვირიკაშვილი და თეა წულუკიანი. მინისტრებიადგილზეგაეცნენმოსახლეობისპრობლემებს, რომლებმაც, ელექტროენერგიის აღდგენამდე, გენერატორები მოითხოვეს.  მთავრობის მეთაურმა მათი ეს თხოვნა მალევე დააკმაყოფილა.

ამასთან, სამინისტროს ინფორმაციით, ირაკლი ღარიბაშვილი ახალდაბელებს სოზარ სუბართან და ოთარ დანელიასთან ერთად ესტუმრა, გენერატორებიც ჩაუტანა და ექიმთაბრიგადაც ჩაუყვანა.

ექიმები თეა კუპრავა და ნინო ჯოგიაშვილი ადგილობრივი მაყვალა ოქრუაშვილის სახლში დაბინავდნენ, იქვე გახსნეს მინიამბულატორია და პირველი პაციენტებიც უკვე მიიღეს. გაერომ კი ახალდაბის მოსახლეობა სასმელი წყლით მოამარაგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს