თელავში, ინაუგურაციის ცერემონიის დასრულების შემდეგ, პარლამენტის იურიდიულ საკითხთა კომიტეტის თავმჯდომარე, ეკა ბესელიამ ინაუგურაციის პარალელურად მიმდინარე მოვლენებზე ისაუბრა.

მან „ნაციონალური მოძრაობის“ ერთ-ერთი ლიდერის, ნიკა მელიას ქმედებები პროვოკაციულად შეაფასა, პოლიციას კი მადლობა გადაუხადა.

„მე რაც ვნახე და ვუყურე კადრებს, ეს იყო  აშკარად დესტრუქციული და ძალიან პროვოკაციული საქციელი პარლამენტის წევრის მხრიდან. პირველ რიგში, მელიას ვგულისხმობ, რომელიც კანონმორჩილების მაგალითს უნდა აჩვენებდეს სხვებს და დღეს იყო სწორედ  მაგალითი, როგორ არ უნდა იქცეოდეს პარლამენტის წევრი. მე მინდა მადლობა ვუთხრა კუპატაძეს და იმ პოლიციელებს, რომლებიც იქცეოდნენ ღირსეულად და არ აყვნენ პროვოკაციებს. მათ რა თქმა უნდა, ჰქონდათ გზა და ჰქონდათ შესაძლებლობა მისულიყვნენ დანიშნულების ადგილას. ყველას გადაადგილება იზღუდება, როდესაც არის უსაფრთხოების განსაკუთრებული ზომები. ეს არ არის აბსოლუტური უფლება, რომელიც გულისხმობს, აკეთო ყველაფერი და იარო ისე, როგორც გინდა. ყველაფერს აქვს თავისი წესი და კანონი და ჩვენ ყველას გვაქვს ასეთი შეზღუდვები ყველგან. არსებობს გარკვეული ბარიერები, რატომ ვიღებთ  საშვებს, რატომ შევდივართ გარკვეული პროცედურებით სადღაც სადაც განსაკუთრებული რეჟიმი აქვთ? არის ზოგჯერ გამონაკლისი წესები და ის რაც დღეს ჩვენ ვნახეთ, ყოველგვარი მიკიბ-მოკიბვის გარეშე, ეს იყო კანონის დარღვევა“, - განაცხადა ეკა ბესელიამ.

ცნობისთვის, გურჯაანში გაერთიანებული ოპოზიციის წარმომადგენლებსა და სამართალდამცველებს შორის ფიზიკური დაპირისპირება მოხდა. სამართალდამცველებს პრეზიდენტის ინაუგურაციასთან დაკავშირებით, თელავის მიმართულებით გზა გადაკეტილი ჰქონდათ და აქციის მონაწილეებს თელავში ჩასვლა ყვარლის გავლით შესთავაზეს, რაზეც მათგან უარი მიიღეს. ოპოზიციის წარმომადგენლებმა პოლიციის კორდონის გარღვევა რამდენჯერმე სცადეს. შსს-ს ინფორმაციით, მათ საპოლიციო ტრანსპორტი და ტექნიკა დააზიანეს. ამასთან, დაპირისპირებისას რამდენიმე ადამიანი დაშავდა.

ავტორი: ,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა