„მარცხსაც სჭირდება ღირსეულად შეხვედრა. თქვენ ხართ უღირსი დამარცხებული",- ასე გამოეხმაურა საქართველოს პარლამენტის თავმჯდომარე ირაკლი კობახიძე „ნაციონალური მოძრაობის" წევრის, ნიკა მელიას გამოსვლას პლენარულ სხდომაზე.

მისივე თქმით, მმართველი გუნდი გამარჯვებას ღირსეულად შეხვდა და ისტერიკა, რომელიც ოპოზიციაში ჩანს, აჩვენებს, რომ ოპოზიცია საკუთარ მარცხს უღირსად შეხვდა.

„ბატონო ნიკა, თქვენი გამოსვლა იყო სავსე შეურაცხყოფით, ცილისწამებით. მოგიწოდებთ, სარკეში ჩაიხედეთ და დაინახავთ თქვენს დამარცხებულ სახეს, დაკარგულ სახეს. არ შეიძლება, მარცხმა ასე დაგაკარგვინოთ სახე. სირცხვილია. მარცხსაც სჭირდება ღირსეულად შეხვედრა. თქვენ ხართ უღირსი დამარცხებული. აქ მარტივ რაღაცაზეა საუბარი, გამარჯვებასაც უნდა ღირსეული შეხვედრა და დამარცხებასაც უნდა ღირსეული შეხვედრა. თქვენ რასაც იმას უწოდებთ, რომ ომახიანად არ გამოვდივართ, ეს არის ის, რომ ჩვენ ღირსეულად შევხვდით გამარჯვებას და ეს ისტერიკა, რაც აქეთ ჩანს, ეს არის ზუსტად ის, რომ უღირსად შეხვდით საკუთარ მარცხს და არ შეიძლება ასე. რაც შეეხება, ბატონი გიგა ბოკერიას შენიშვნას, რეპლიკები ეს არის ჩვეულებრივი, მიღებული ფორმა, ამას ბატონი გიგაც ხშირად მიმართავს ხოლმე, შეგახსენებთ", - განაცხადა პარლამენტის თავმჯდომარემ.

ავტორი: ,

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ