„16 დეკემბერს, თელავში ჩვენ ჩავატარებთ მშვიდობიან აქციას“, - ამის შესახებ გაერთიანებული ოპოზიციის ერთ-ერთმა ლიდერმა, გრიგოლ ვაშაძემ დღეს გამართულ ბრიფინგზე განაცხადა.

როგორც ვაშაძემ აღნიშნა, ეს იქნება მშვიდობიანი მანიფესტაცია, რომელშიც მონაწილეობას მიიღებს გაერთიანებული ოპოზიციის ყველა პარტია.

„რადგანაც ხელისუფლებამ ყურთ არ იღო საერთაშორისო ორგანიზაციებისა და დამკვირვებლების აზრი, მინდა გითხრათ, რომ ორ დღეში ჩვენ კიდევ უფრო სერიოზულ ვიდეოებს გამოვაქვეყნებთ იმ მასობრივ გაყალბებაზე, რომელიც ამ არჩევნების დროს ხდებოდა. რადგანაც მათ ყურთ არ იღეს ჩვენი კომპრომისული შეთავაზებები, ამიტომ 16 დეკემბერს, თელავში ჩვენ ჩავატარებთ მშვიდობიან აქციას, რომელიც მთლიანად იქნება ჩვენი კონსტიტუციის, კანონმდებლობისა და ადამიანის უფლებების საყოველთაო დეკლარაციის ფარგლებში. ეს იქნება მშვიდობიანი მანიფესტაცია, რომელიც  მონაწილეობას მიიღებს გაერთიანებული ოპოზიციის ყველა პარტია. მინდა ხაზი გავუსვა, ნუ დაიწყება ისევ ვაი-ვიში, პანიკის გამოხატვა. ინაუგურაციის ადგილის ცვლილება არავის არ ერჩის. ჩვენ გვინდა, რომ ხელისუფლებამ კიდევ ერთხელ გაიგოს განრისხებული ამომრჩევლის ხმა“, - განაცხადა გრიგოლ ვაშაძემ.

ამასთან, მისი თქმით, აქცია დედაქალაქშიც და სხვა ქალაქებშიც გაიმართება.

„თბილისშიც გვექნება აქცია და სხვა ქალაქებშიც, მაგრამ მთავარი, ყველაზე მასშტაბური გვექნება თელავში“, - აღნიშნა გრიგოლ ვაშაძემ.

ავტორი: ,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი