გაერთიანებული ოპოზიცია საპრეზიდენტო არჩევნების შედეგების ანულირებას ითხოვს.

როგორც ოპოზიციის ერთ-ერთმა ლიდერმა, გიორგი ვაშაძემ დღეს გამართულ ბრიფინგზე განაცხადა, სასამართლოს დღეს სალომე ზურაბიშვილის რეგისტრაციიდან მოხსნის მოთხოვნით მიმართავენ.

დღეს შეგვაქვს სასამართლოში სარჩელი. გამოვიკვლიეთ ყველა გარემოება და ვითხოვთ სალომე ზურაბიშვილის რეგისტრაციიდან მოხსნას. ამას ითვალისწინებს საარჩევნო კოდექსის 47-ე მუხლი, რომელშიც არის ამომრჩევლის მოსყიდვაზე საუბარი. „საარჩევნო კოდექსით“ პირდაპირ აკრძალულია: საარჩევნო სუბიექტების, საარჩევნო სუბიექტების კანდიდატებისა და მათი წამომადგენლების მიერ პირადად ან ვინმეს მეშვეობით საქართველოს მოქალაქეებისთვის ფულადი სახსრების, საჩუქრებისა და სხვა მატერიალური ფასეულობის გადაცემა; შეღავათიან ფასად საქონლის მიყიდვა; უფასოდ ნებისმიერი საქონლის მიწოდება გარდა სააგიტაციო მასალისა; აგრეთვე, მოქალაქეების დაინტერესება ფულადი სახსრების, ფასიანი ქაღალდებისა და სხვა მატერიალური ფასეულობების გადაცემის დაპირებით, მიუხედავად მათი ღირებულებისა. ჩვენს საქმეში ზღვა მასალაა წარმოდგენილი ერთი მხრივ 600 000 ადამიანზე თაღლითური დაპირების, რომ სესხები გაუნულდებათ, ეს არის პირდაპირი ამომრჩევლის მოსყიდვა და მეორე - ყველას კარგად გვახსოვს ხახვები, კარტოფილები, უფასო მეორადი ტანსაცმლის დარიგება.  ჩვენს სარჩელს თან ერთვის, რაღა თქმა უნდა, ყველა ავტორიტეტული საერთაშორისო სადამკვირვებლო ორგანიზაციის დასკვნა, სადაც პირდაპირ მითითებულია, რომ არჩევნები მასობრივი მოსყიდვის პირობებში მიმდინარეობდა და ეს დადასტურებულია ამ საერთაშორისო ორგანიზაციების დასკვნებით“, - განაცხადა ვაშაძემ.

მანვე პროკურატურას მიმართა და პრემიერ-მინისტრ მამუკა ბახტაძისა და თბილისის მერის, კახა კალაძის წინააღმდეგ საქმის აღძვრა მოითხოვა.

„ჩვენ მივმართავთ პროკურატურას და ვითხოვთ სისხლის სამართის კოდექსის 164-ე მუხლის პირველი პრიმა პუნქტის შესაბამისად, სადაც ასევე არის საარჩევნო მოსყიდვაზე საუბარი, აღიძრას სისხლის სამართლის საქმე პრემიერ-მინისტრის, მამუკა ბახტაძის, რომელმაც სისხლის სამართლის დანაშაული ჩაიდინა, როცა ამ მასობრივ მოსყიდვას აწარამოებდა პირდაპირ ეთერში და თბილისის მერის, კახა კალაძის მიმართ, რომელიც შტაბს ხელმძღვანელობდა და დანაშაული ჩაიდინა თავის განცხადებაში“, - განაცხადა გიორგი ვაშაძემ.

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება