„ბიძინა ივანიშვილის დაღმასვლა დაწყებულია და ამ დაღმასვლის დამადასტურებელი არის ეს გამოღლეტილი, მითვისებული ხმები, რომელიც საკუთარ კანდიდატს გამოუწერა“, - ასე გამოეხმაურა „რესპუბლიკური პარტიის“ ლიდერი, დავით ბერძენიშვილი ეგზიტპოლების პირველად შედეგებს.

როგორც ბერძენიშვილმა აღნიშნა, გრიგოლ ვაშაძისნაირი ძლიერი ოპოზიციური კანდიდატი საქართველოში ჯერ არ ყოფილა.

ამასთან, მისი შეფასებით, მმართველმა გუნდმა საპრეზიდენტო არჩევნებში „გამოცდა ვერ ჩააბარა“.

„ძალიან პირობითად შეგვიძლია ჩვენ ამას დავარქვათ არჩევნები, რომელიც დღეს ჩატარდა. ერთის მხრივ, ამდენი ხნის განმავლობაში ასეთი კონკურენცია საქართველოში არამარტო საპრეზიდენტო, არამედ არცერთ არჩევნებში არ ყოფილა. ასეთი ძლიერი ოპოზიციის კანდიდატი არასოდეს არ ყოფილა 90-იანი წლებიდან მოყოლებული. პირველი ადგილი ყოველთვის გარკვეული იყო და ბრძოლა იყო მეორე ადგილისთვის და ამ ვითარებაში გრიგოლ ვაშაძემ ძალიან ღირსეულად წარმართა მისი კამპანია. იყო ძალიან კვალიფიციური კანდიდატი. როგორი იქნება საბოლოო შედეგი ამას ვნახავთ. ხელისუფლებამ ვერ ჩააბარა გამოცდა, პრაქტიკულად ძალიან ბინძური საარჩევნო კამპანია აწარმოა. ეს იყო ზიზღზე აგებული კამპანია მათი მხრიდან და ასეთ ვითარებაში სრულიად მკაფიო არის, რომ სასტარტო პოზიცია ქართულ დემოკრატიულ ოპოზიციას აქვს ძალიან მაღალი“, - განაცხადა დავით ბერძენიშვილმა. 

ცნობისთვის, 20:00 საათზე, საარჩევნო უბნების დახურვის შემდეგ, ტელეკომპანია „რუსთავი 2“-ისა და ტელეკომპანია „იმედის“ დაკვეთით ჩატარებული ეგზიტპოლების პირველადი შედეგები გამოქვეყენდა. ორივე ეგზიტპოლის თანახმად, არჩევნებში მმართველი გუნდის მიერ მხარდაჭერილი კანდიდატი სალომე ზურაბიშვილი ლიდერობს.

Edison research - სალომე ზურაბიშვილი 55% / გრიგოლ ვაშაძე 45%

Gallup International - სალომე ზურაბიშვილი 58% / გრიგოლ ვაშაძე 42%

ავტორი: ,

სოციალური ქსელები

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა