„ეს არჩევნები ვერ იწოდება არჩევნებად. ახლა, აუცილებად უნდა დაველოდოთ საბოლოო შედეგებს, პოლიტიკურად არის ძალიან მიზანშეწონილი, რომ ასე მოვიქცეთ“, - ამის შესახებ ნაციონალური მოძრაობის" ერთ-ერთმა ლიდერმა, ნიკა მელიამ განაცხადა.

მისი თქმით, გადაწყვეტილებას გაერთიანებული ოპოზიცია ერთობლივად მიიღებს.

„ველოდებით უახლოესი საათები საბოლოო სურათს, თუმცა ცხადზე ცხადია, რა ხდებოდა არჩევნების დღემდე, ის წარმოუდგენელი, ენითაუღწერელი პროცესები, ძალადობა, შანტაჟის მეთოდები და ასე შემდეგ. რამდენ ადამიანს ჩამოართვეს პირადობის მოწმობა, რამდენ ადამიანს საერთოდ ხმის მიცემა აუკრძალეს კრიმინალურმა „ძველმა ბიჭებმა“, ხო დავინახეთ ეს ყველაფერი. ამიტომ ეს არჩევნები ვერ იწოდება არჩევნებად. ახლა, ამ წუთას აუცილებად უნდა დაველოდოთ საბოლოო შედეგებს, პოლიტიკურად არის ძალიან მიზანშეწონილი ასე მოვიქცეთ. ათიათასობით ადამიანი საარჩევნო უბნებზე იბრძვის ხმების შესანარჩუნებლად და ვნახოთ საბოლოოდ რა სურათი დადგება. შემდეგ კი ყველაფერს გადაწყვეტს გაერთიანებული ოპოზიცია“, - განაცხადა ნიკა მელიამ. 

ცნობისთვის, 20:00 საათზე, საარჩევნო უბნების დახურვის შემდეგ, ტელეკომპანია „რუსთავი 2“-ისა და ტელეკომპანია „იმედის“ დაკვეთით ჩატარებული ეგზიტპოლების პირველადი შედეგები გამოქვეყენდა. ორივე ეგზიტპოლის თანახმად, არჩევნებში მმართველი გუნდის მიერ მხარდაჭერილი კანდიდატი სალომე ზურაბიშვილი ლიდერობს.

Edison research - სალომე ზურაბიშვილი 55% / გრიგოლ ვაშაძე 45%

Gallup International - სალომე ზურაბიშვილი 58% / გრიგოლ ვაშაძე 42%

ავტორი: ,

სოციალური ქსელები

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს

რეჟიმის წარმომადგენელი მაჭარაშვილი ამბობს, რომ ფასების კომისია არ პასუხობს გამოწვევებს

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა