აჭარის მთავრობის თავმჯდომარე თორნიკე რიჟვაძემ იტალიის საგანგებო და სრულუფლებიან ელჩთან საქართველოში ანტონიო ენრიკო ბარტოლისთან გაცნობითი ხასიათის შეხვედრა გამართა.

შეხვედრაზე ისაუბრეს ორ ქვეყანას შორის არსებულ მეგობრულ ურთიერთობებზე, რაც რეგიონულ დონეზე წარმატებული თანამშრომლობითაც გამოიხატება.

ბათუმი და ქობულეთი დამეგობრებულია იტალიის ქალაქებთან. ასევე, წარმატებით მიმდინარეობს თანამშრომლობა ბათუმისა და ფერარას სახელმწიფო უნივერსიტეტებს შორის.

ყოველწლიურად იზრდება იტალიელი ვიზიტორების რიცხვი აჭარაში, რასაც ქუთაისის საერთაშორისო აეროპორტიდან იტალიის მიმართულებით პირდაპირმა საჰაერო ფრენებმაც შეუწყო ხელი.

აჭარის მთავრობის თავმჯდომარემ მადლობა გადაუხადა იტალიელ დიპლომატს საქართველოს ევროპული მისწრაფების მხარდაჭერისთვის და მზადყოფნა  გამოთქვა ორმხრივი თანამშრომლობის კიდევ უფრო გაღრმავების.

(NS)

ავტორი: ,

სოციალური ქსელები

უკრაინაში რუსული არმია დღეში 300 ადამიანს კარგავს

უკრაინამ სარაკეტო იერიში მიიტანა სამარაში ნავთობგადამამუშავებელ ქარხანასა და ჩებოქსარში სამხედრო-სამრეწველო კომპლექსზე

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა