შსს-მ ახალქალაქში, „ძალა ერთობაშიას“ წევრებზე მომხდარ თავდასხმის ფაქტზე გამოძიება დაიწყო

2018-10-30 15:28:17, 1187 ნახვა

სამართალი

შინაგან საქმეთა სამინისტროს სამცხე-ჯავახეთის პოლიციის დეპარტამენტმა დღეს ახალქალაქში მომხდარი ფიზიკური დაპირისპირების ფაქტზე გამოძიება დაიწყო.

გამოძიებით დგინდება, რომ 30 ოქტომბერს ახალქალაქში თამარ მეფის ქუჩაზე მდებარე პოლიტიკური პარტია "ძალა ერთობაშიას" შტაბთან მოხდა ფიზიკური დაპირისპირება, რა დროსაც "ძალა ერთობაშიას" შტაბის წევრებმა სხეულის დაზიანება მიიღეს.

სამართალდამცველების მიერ მომხდარ ფაქტთან დაკავშირებით ინტენსიურ რეჟიმში საგამოძიებო მოქმედებები მიმდინარეობს.

როგორც "ექსპრესნიუსს" უწყებიდან აცნობეს, გამოძიება სისხლის სამართლის კოდექსის 239-ე მუხლის მე-2 და მე-3 ნაწილით მიმდინარეობს, რაც წინასწარი შეთანხმებით ჯგუფის მიერ ჩადენილ ხულიგნობას გულისხმობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები