2018-10-29 18:05:47, 1081 ნახვა
პოლიტიკა
ვანო მერაბიშვილი: გუშინდელი არჩევნებით ქართველმა ხალხმა დაამტკიცა, რომ მას ღირსებას ვერასოდეს ვერავინ წაართმევს
საქართველოს ყოფილი პრემიერ-მინისტრი ვანო მერაბიშვილი, გაერთიანებული ოპოზიციის საპრეზიდენტო კანდიდატს, გრიგოლ ვაშაძეს არჩევნების პირველ ტურში მიღწეულ შედეგს ულოცავს.
როგორც მერაბიშვილის განცხადებაშია ნათქვამი, გუშინ ქართველმა ხალხმა დაამტკიცა, რომ ღირსებას ვერავინ წაართმევს.
"დიდი სიხარულით მინდა მივულოცო ჩემს მეგობარს, გრიგოლ ვაშაძეს წარმატება. გუშინდელი არჩევნებით ქართველმა ხალხმა დაამტკიცა, რომ მას ღირსებას ვერასოდეს ვერავინ წაართმევს. მიხარია, რომ ჩემი განცდა და სურვილი რეალურად დადასტურდა - ოპოზიცია ერთიანად იბრძვის გამარჯვებისთვის. მეორე ტურში ორმაგი უპირატესობა უნდა დავაფიქსიროთ", - აცხადებს ვანო მერაბიშვილი.
![]()
ავტორი: ,
epn.ge (@expressnews.ge)
