2018-10-28 12:31:59, 903 ნახვა
პოლიტიკა
ვაშაძე: რამდენი საჩივარი დაგროვდება - მწვავე შეკითხვებზე მოუწევს მთავრობას პასუხების გაცემა
"ძალა ერთობაშიას" პრეზიდენტობის კანდიდატმა გრიგოლ ვაშაძემ საკუთარი ხმა უკვე დააფიქსირა.
როგორც ვაშაძემ აღნიშნა, ის გამარჯვებისთვის მზად არის. მანვე აღნიშნა, რომ ამ დროისთვის უკვე უამრავი საჩივარი დაიწერა.
„უამრავი საჩივარია და შენიშვნაა უკვე, ამის შესახებ შეგიძლიათ დეტალურად მიმართოთ ჩვენს შტაბს. ძალიან გთხოვთ, მოგიწოდებთ ყველას, გადადეთ ყველა საქმე და მოდით არჩევნებზე, დღეს თქვენს და თქვენი შვილების მომავალს ირჩევთ. ჩვენ ვიცით, რომ ვიგებთ არჩევნებს, არ აქვს მნიშვნელობა ჩატარდება თუ არა მეორე ტური - ჩვენ ვიმარჯვებთ, დამარცხება არ იქნება. ვნახოთ, რამდენი საჩივარი დაგროვდება, ძალიან მწვავე შეკითხვებზე მოუწევს მთავრობას პასუხების გაცემა", - აღნიშნა ვაშაძემ.
ავტორი: ,