საზოგადოებრივი მაუწყებლის შენობასთან დღეს ტელევიზიის თანამშრომლების ნაწილმა საპროტესტო აქცია გამართა. აქციის მონაწილეები მენეჯმენტის მიერ შეთავაზებულ ახალ სახელშეკრულებო პირობებს აპროტესტებენ. 

მაუწყებლის პროფესიული კავშირის ინფორმაციით, ტელევიზიის 150-მდე თანამშრომელმა მიმდინარე კვირას ადმინისტრაციისგან შეთავაზება მიიღო. შეთავაზების თანახმად, იცვლება დასაქმებულების სამუშაო რეჟიმი და კონკრეტულ პოზიციებზე ამ პირებისთვის შრომის ანაზღაურების ფორმა.

მაუწყებლის თანამშრომლების განცხადებით, თვიური მოჭრილი ხელფასის ნაცვლად თანამშრომლებს ადმინისტრაცია სთავაზობს, საჭიროების შემთხვევაში გამოძახების პრინციპით მუშაობას და ანაზღაურებას, რომელიც შესრულებული სამუშაოს მიხედვით განისაზღვრება. შეთავაზებაში გაწერილი არ არის ყოველთვიურად შესასრულებელი სამუშაოს ზღვრული ლიმიტი და გრაფიკი, ხოლო ტელევიზიის ადმინისტრაცია არ იძლევა იმის გარანტიას, რომ თუნდაც ერთხელ მაინც გამოიძახებს რომელიმე თანამშრომელს სამსახურში: „შესაბამისად, ჩნდება საფუძვლიანი ეჭვი, რომ აღნიშნული გადაწყვეტილება, თანამშრომლების სამუშაოდან გათავისუფლებაა და არა ახალი შეთავაზება, რომელიც, კანონის მიხედვით, არ უნდა აუარესებდეს დასაქმებულთა უფლებრივ მდგომარეობას და ცხოვრების პირობებს".

აქციის მონაწილეები ხვალ 12 საათზე მენეჯმენთან შეხვედრას ითხოვენ, შემდეგ კი 14:00 საათზე კვლავ ტელევიზიის შენობასთან ბრიფინგს გამართავენ. 

გარდა ამისა, საია-ს ხელმძღვანელის სულხან სალაძის შეფასებით, ადმინისტრაციის მიერ შემითავაზებული შრომითი რეჟიმი არის არაპირდაპირი საუბარი თანაშრომლების გათავისუფლებაზე. 

ავტორი: ,

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა