ხორავას ქუჩაზე მომხდარი მკვლელობის საქმეზე შექმინილი საგამოძიებო კომისიის წევრები, თბილისის საქალაქო სასამართლოს მიერ დღეს მიღებულ გადაწყვეტილებას, რომლის მიხედვითაც დანაშაულის დაფარვისთვის დაკავებულები გირაოს საფუძველზე გათავისუფლდნენ, უცნაურს უწოდებენ.

ფრაქცია „ქართული ოცნების“ თავმჯდომარის, მამუკა მდინარაძის თქმით, სასამართლოს მიერ მიღებული გადაწყვეტილება და რა არგუმენტებს დაეყრდნო მოსამართლე მისთვის უცნობია.

„ჩვენთვისაც ცოტა უცნაური იყო, როდესაც მათი დუმილის ფონზე, მათ დუმილის უფლება ჩვენთანაც აირჩიეს და მანამდე, ვიდრე არ იყო დაკითხული მ.კ, ეს გადაწყვეტილება მოსასმენად ჩემთვისაც ცოტა უცნაური იყო ნამდვილად, თუმცა, მე არ მომისმენია დეტალები, სასამართლოზე რა იყო არგუმენტები და რა გაცვალეს ერთმანეთში მხარეებმა, რატომ მიიღო სასამართლომ ეს გადაწყვეტილება და ამიტომ სიღრმეებში ვეღარ შევალ ნამდვილად,“ - განაცხადა მამუკა მდინარაძემ.

პარტია „ევროპული საქართველოს“ წევრი, ხათუნა გოგორიშვილი კი, გამოძიების დროს გამოკვეთილ ახალ გარემოებებზე საუბრობს.

„არსებობს კონკრეტული რეკომენდაციები, რომელიც გასცა საგამოძიებო კომისიამ  პარლამენტის, არსებობს კონკრეტული ახლად აღმოჩენილი გარემოებები, რომელიც ყველა დეტალურად მიწოდებული არის შსს-სთვის და პროკურატურისთვის. ახლა მთავარი არის რამდენად დროულად და რამდენად ეფექტურად იმოქმედებს სახელმწიფოს ეს ორი სტრუქტურა, იმიტომ, რომ ყველანაირი მტკიცებულება და ყველანაირი ფაქტი არსებობს იმისა, რომ შესაძლებელია კვანძი გაიხსნას საკმაოდ დაჩქარებულ ტემპში,“ - განაცხადა გოგორიშვილმა.

შეგახსენებთ, რომ საქალაქო სასამართლომ, ხორავას ქუჩაზე მომხდარი მკვლელობის საქმეზე, დანაშაულის დაფარვის მიზნით დაკავებული პირების აღკვეთის ღონისძიების შეცვლის მოთხოვნა დააკმაყოფილა და სამივე ბრალდებულს პატიმრობა გირაოთი შეეცვალათ. კერძოდ, თენგიზ კალანდია 5000 ლარიანი გირაოთი გათავისუფლდა, ზაქარია წინწკალაძე და გიორგი შაბურიშვილი კი 3 000-3 000-ლარიანი გირაოთი.

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა