პარლამენტის ჯანდაცვის კომიტეტის თავმჯდომარე აკაკი ზოიძე საკონსტიტუციო სასამართლოს მიერ მიღებულ გადაწყვეტილებას მარიხუანას ლეგალიზაციასთან დაკავშირებით აკრიტიკებს.

როგორც ზოიძემ განმარტა, უმჯობესი იქნებოდა სასამართლოს სხვა სახის ნარკოტიკების დეკრიმინალიზაციაზე ემსჯელა. მისივე შეფასებით, აღნიშნული გადაწყვეტილებით პარლამენტმა საკანონმდებლო ბერკეტები დაკარგა.

"მიუხედავად იმისა, ვინ რას ბრძანებს ფორმალურად მარიხუანა რჩება აკრძალული. საუბარია იმაზე, რომ ჩვენ, გუშინდელმა გადაწყვეტილებამ, გამოგვაცალა ბერკეტი კანონის აღსრულებისათვის. ამ ბერკეტებით ჩვენ ვარეგულირებთ მარიხუანას მოხმარებას ქვეყანაში. ალბათ სჯობდა სასამართლოს სხვა ნარკოტიკების დეკრიმინალიზაციაზე ემსჯელა და არა მარიხუანას. ის, რომ მარიხუანა ნარკოტიკია ეს რატომღაც ყველას ავიწყდება. ვფიქრობთ, რომ მაქსიმალური შეზღუდვები გამოვიყენოთ მარიხუანასთან მიმართებაში. პირადად ვიქნები მომხრე, რომ ეს შეზღუდვები გავრცელდეს 21 წლამდე ასაკის ადამიანებზე, როგორც ეს ცივილიზებულ სამყაროშია. მეორე აკრძალვა უნდა შეეხოს პროფესიებს, რომელთა აღსრულება შესაძლოა იყოს დაკავშირებული ადამიანის ჯანმრთელობასთან ან სიცოცხლესთან. შენახვა და ფლობა დღესაც ჯარიმით ისჯება - უნდა გავამკაცროთ ჯარიმები, რათა დავაბალანსოთ ეს გადაწყვეტილება", - განაცხადა აკაკი ზოიძემ.

შეგახსენებთ, რომ 30 ივლისს საკონსტიტუციო სასამართლომ მარიხუანას მოხმარებაზე არსებული სანქციები არაკონსტიტუციურად ცნო. 

ავტორი: ,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს