ქალაქ თბილისის პროკურორმა, მალხაზ კაპანაძემ ხორავას ქუჩის საქმის შემსწავლელი პარლამენტის საგამოძიებო კომისიის სხდომაზე, დეპუტატ ეკა ბესელიას შეკითხვებს უპასუხა.

კაპანაძემ ექსპერტიზის დანიშვნისა და პასუხების ურთიერთკავშირი განმარტა და განაცხადა, რომ დღევანდლეი გადმოსახედიდან გამოძიების შეფასება რელევანტური არ არის:

„ექსპერტიზა როდესაც დაინიშნა მოგვცა მან კითხვებზე პასუხი და ამით განისაზღვრა ჭრილობის ხანდაზმულობა და ხარისხი, ხოლო ტანსაცმელზე ჩატარებულმა კვლევამ გვითხრა, რომ ეს ჭრილობები იყო განვითარებული ბასრი საგნით. ის გარემოება, რომ ექსპერტიზა დაინიშნა 12 დეკემბერს, ამით არაფერი შეცვლილა. რა კითხვებზეც გვჭირდებოდა პასუხი, პასუხები მივიღეთ. გამოძიება ყოველთვის მზად არის ჩატარდეს ნებისმიერი საგამოძიებო მოქმედება და ჩვენ მზად ვართ ყოველდღიურ რეჟიმში მოვიპოვოთ ახალი მტკიცებულებები. როდესაც ეცნობი უკვე გამოძიებულ საქმეს, ამ  გადმოსახედიდან შეილება ითქვას, რომ სხვადასხვა საგამოძიებო მოქმედების ჩატარება შეიძლებოდა, მაგრამ ისიც უნდა გავითვალისწინოთ, რომ აქ გვქონდა მხოლოდ 30 დღიანი შემჭიდროებული ვადა. ამ ვადაში ჩატარდა 600-700 საგამოძიებო მოქმედება. შესაძლოა ამ ვადებმა გარკვეულწილად გამოძიების ხარისხზე იმოქმედა, თუმცა მაქსიმალურად ყველაფერი გაკეთდა, რომ დადგენილიყო ჭეშმარიტება. ამჟამად მიმდნარეობს გამოყოფილი საქმის გამოძიება და ნებისმიერი პირი, ვის მიმართაც შეგროვდება მტკიცებულებითი სტანდარტი, იმ პირის მიმართ დაიწყება დევნა“, - განაცხადა კაპანაძემ.

ავტორი: ,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს