„შალვა თადუმაძის კანდიდატურა ჩემ მიერ უმოკლეს ვადაში წარედგინება მთავრობას, შესაძლოა დღევნადელ მთავრობის სხდომაზეც“, - ამის შესახებ იუსტიციის მინისტრმა თეა წულუკიანმა საპროკურორო საბჭოს სხდომის დასრულების შემდეგ ჟურნალისტებს განუცხადა.

როგორც მან აღნიშნა, თუკი მთავრობა საბჭოს მიერ შერჩეულ კანდიდატურას მოიწონებს, შალვა თადუმაძე პარლამენტის წინაშე წარდგება და თავის პოზიციებს იქ დაასაბუთებს.

„ძალიან მნიშვენლოვანია, რომ 2015 წელს, რეფორმის შედეგად შექმნილმა საპროკურორო საბჭომ უკვე მეორედ, გამჭვირვალედ, ყველას ჩართულობით შეარჩია მთავარი პროკურორობის კანდიდატი. ეს გახლდათ საბჭოს 12 წევრის გადაწყვეტილება, რომელთა შორის მე არ ვარ, რადგან კენჭისყრაში მონაწილეობა არ მიმიღია. ბატონი შალვა თადუმაძის კანდიდატურა ჩემ მიერ უმოკლეს ვადაში წარედგინება მთავრობას, შესაძლოა დღევნადელ მთავრობის სხდომაზეც, სადაც თუ მომეცა შესაძლებლობა, ამ თემაზე მოხსენებით წარვდგები.  თუკი მთავრობა მოიწონებს საბჭოს მიერ შერჩეულ კანდიდატურას, ასეთ შემთხვევაში პარლამენტის წინაშე წარდგება შალვა თადუმაძე, იქ დაასაბუთებს თავის ხედვებსა და პოზიციებს და საქართველოს პარლამენტი მიიღებს საბოლოო გადაწყვეტილებას“, - განაცხადა წულუკიანმა.

ცნობისთვის, საპროკურორო საბჭომ მთავარი პროკურორობის კანდიდატად შალვა თადუმაძე აირჩია. მას საბჭოს 15 წევრიდან 12-მა დაუჭირა მხარი. აღსანიშნავია, რომ კენჭსყრასა და გასაუბრების პროცესში საბჭოს თავმჯდომარეს, იუსტიციის მინისტრ თეა წულუკიანს მონაწილეობა არ მიუღია.

ავტორი: ,

სოციალური ქსელები

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა

რეჟიმის პარლამენტში ფასების კომისიის ბოლო სხდომა გაიმართა, დასკვნა ხვალ გამოქვეყნდება

AI გენერირებული ტროლები დიუშენის სამკურნალო პრეპარატებზე რუსთავი 2-ის და ქალაქის მერის პოზიციებს იწონებენ

მომავლის აკადემია: TV იმედს ComCom-თან ისევ ვუჩივით, მოვითხოვთ პასუხისმგებლობის დაკისრებას