"სამართალდამცველთა რეფორმირების ცენტრის“ ხელმძღვანელის ზვიად კუპრავას განცხადებით, ის საგამოძიებო კომისიას ყველა იმ პირის შესახებ მიაწვდის ინფორმაციას, რომლებმაც ხორავას ქუჩის საქმეში საკუთარი თანამდებობა ბოროტად გამოიყენეს.

როგორც კუპრავამ აღნიშნა, სხდომაზე დასახელდება 7 პირი, რომელიც მოზარდების მკვლელობის საქმის გამოძიებაში იყო ჩართული. მისივე განმარტებით, ფარდული მირზა სუბელიანის დავალებით შინაგან საქმეთა სამინისტროს წარმომადგენლებმა დაანგრიეს.

"6 თვის განმავლობაში ყველაფერზე ვლაპარაკობდით, უბრალოდ არ გვისმენდნენ და ეს იყო პრობლემა. ვისაუბრებ დეტალებზე, რომელიც ფარდულს, მირზა სუბელიანს და შსს-ს წარმომადგენელ, კახა სირაძეს ეხება. ასევე მის მეგობრებთან დაკავშირებით ვისაუბრებ. კერძოდ იმ ადამიანებზე, რომლებიც სირაძესთან და გამოძიებასთან არიან ირიბ კავშირში. ჩამოვთვლი შინაგან საქმეთა სამინისტროდან 7 სახელსა და გვარს. ზოგი მოქმედი თანამშრომმელია, ზოგი არა, მათ შორის არის ერთ-ერთი ოთარ მირზოევი. ეს ადამიანები, მათ შორის სირაძე სუბელიანის წინაშე ვალდებულება გააჩნიათ. სამართალდამცველების ამ ჯგუფის წევრები არიან ვალდებულებულები სუბელიანის წინაშე და მან ეს ვალდებულება ბოროტად გამოიყენა. სუბელიანმა მოსთხოვა სირაძეს, რომ ფარდულის პრობლემა მოეგვარებინა", - განაცხადა კუპრავამ.

მან ასევე იმაზეც ისაუბრა, თუ რატომ გახდა აუცილებელი მისი დაკითხვა დაჩქარებულ ფორმატში მომხდარიყო.

"შეყვანილი ვიყავი მოწმეთა სიაში, რომელიც უნდა დაიკითხოს საგამოძიებო კომისიის მიერ, თუმცა არ იყო განსაზღვრული როდის მოხდებოდა ჩემი დაკითხვა. ამას შესაძლოა არსებითი მნიშვნელობა არც ჰქონოდა, რომ არა ერთი ძალიან მნიშვნელოვანი გარემოებო. რამდენიმე დღის წინ შსს-მ დაიწყო გამოძიებო და აღძრა სისხლის სამართლის საქმე 366-ე მუხლით ჩემს წინააღმდეგ. სწორედ ამიტომ, მსურს დროულად მივაწოდო ინფორმაცია საპარლამენტო კომისიას. ვიმსჯელეთ ზაზასთან ერთად და მან დაურეკა სერგი კაპანაძეს, რათა კომისიამ ჩემი დაკითხვა დააჩქაროს", - განაცხადა ზვიად კუპრავამ.

ავტორი: ,

სოციალური ქსელები

ნავთობკომპანიებმა აღიარეს, რომ ხარჯების მიუხედავად წმინდა მოგება 2.5-3%-ს აღწევს

კალაძემ მეგობარი პოლონეთი ქართული ტელევიზიის დაარსების გამო, ქართულ ეკლესიაზე შეტევაში დაადანაშაულა

Global Finance-მა გალტ & თაგარტი საქართველოში საუკეთესო საინვესტიციო ბანკად დაასახელა

არაბთა გაერთიანებული საამიროები საქართველოს განიხილავს, როგორც სტრატეგიულ პარტნიორს - მინისტრი საიდ ბინ მუბარაქ ალ ჰაჯერი