"არავის ხელს არ ვაფარებ, ჩემთვის ეს შეურაცხმყოფელია", - ასე გამოეხმაურა ხორავას ქუჩის საქმის პროკურორი ზვიად ფხაკაძე, მოკლული მმოზარდის მამის, ზაზა სარალიძის ბრალდებებს, თითქოს პროკურატურა ფიგურანტებს მფარველობს.

როგორც ფხაკაძემ აღნიშნა, საქმეში არ არსებობს მტკიცებულებები, რომლის საფუძველზეც ერთ-ერთი ფიგურანტის, მ.კ.-ს დაკავება მოხდებოდა.

"რაც შეეხება მიხეილ კალანდიაზე ხელის დაფარებას, ცალსახად ვადასტურებ, იმას რომ არც ჩემი მხრიდან, არც პროკურატურის და შსს-ს სხვა რომელიმე წარმომადგენლის მხრიდან მსავს ქმედებას ადგილი არ ჰქონია. განცხადებებს ვაკეთებთ იმ მტკიცებულებებზე დაყრდნობით, რაც გამოძიების ფარგლებში მოვიპოვეთ. რამდენად გაიზიარა ეს მტკიცებულებები პირველი ინსტანციის სასამართლომ ეს შეფასების თემაა, თუმცა შეფასება სააპელაციო სასამართლომ უნდა გააკეთოს. არავის ხელს არ ვაფარებ, ამას ვამბობ როგორც პროკურორი და 3 შვილის მამა. ჩემთვის ასეთი ბრალდებები შეურაცხმყოფელია. სისხლის სამართლის პასუხისმგებლობა დადგენილი არის მიხეილ კალანდიას მიმართ, იმ მოცულობიდან და იმ ბრალდების ნაწილში, რაც შეუტყობინებლობის ფაქტს გულისხმობს. გასაგებია, რომ ბატონი ზაზასთის ეს საკმარისი არ არის, მაგრამ პროკურატურა სისხლის სამართლებრივ დევნას იწყებს მხოლოდ საქმეში არსებული მტკიცებულებების საფუძველზე", - განაცხადა ფხაკაძემ.  

მისივე მტკიცებით, გამოძიებამ ყველა რესურსი გამოიყენა, რათა საჭირო მოქმედებები ჩატარებულიყო.

"გამოძიებისთვის რაც შესაძლებელი იყო ყველა მოქმედება იყო ჩატარებული. ეს არის ჩვენი პოზიცია. რაც შეეხება განცხადებებს, შესაძლოა რაღაც ჩასატარებელი იყო, მაგრამ საგამოძიებო მოქმედებების ჩაუტარებლობით ან სხვა მოქმედებების ჩაუტარებლობით, მიგვაჩნია, რომ საქმეზე ფაქტობრივი გარემოებები მნიშვნელოვნად არ შეიცვლებოდა", - აღნიშნა პროკურორმა.

იგი მუქარის შემცველი შეტყოინებების საკითხსაც გამოეხმაურა. ფხაკაძის თქმით, აღნიშნულ ფაქტთან დაკავშირებით შესაბამისი ღონისძიებები გატარდება.

"ჩემთვის უცნობია ზაზა სარალიძის განცხადების თაობაზე. რაც შეეხება ჩემს მიმართ მუქარის წერილებს, სადაც დაფიქსირდა, რომ ეს იყო ზაზა სარალიძის შეტყობინებები, ეს ჩემი გადასამოწმებელი საქმე არ არის. შესაბამისი ორგანოები გადაამოწმებენ, სათანადო ღონისძიებების გატარების გზით", - დასძია ზვიად ფხაკაძემ.

ავტორი: ,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე