2018-06-21 16:15:38, 728 ნახვა
კომენტარი
ზალკალიანი: ცხინვალის საოკუპაციო რეჟიმის მიერ სოფელ წნელისზე პრეტენზიის გამოცხადება ყველანაირი ნორმის დარღვევაა
საგარეო საქმეთა მინისტრი დავით ზალკალიანი ცხინვალის საოკუპაციო რეჟიმის მიერ სოფელ წნელისზე პრეტენზიის გამოცხადებას ყველანაირი ნორმის დარღვევად აფასებს.
როგორც ზალკალიანმა განაცხადა, აღნიშნულ პრეტენზიას საქართველოს არც ერთი საერთაშორისო პარტნიორი მხარს არ უჭერს.
"ყველა ეს საკითხები განიხილება ჟენევის ფორმატში. ჩვენი დელეგაცია რა თქმა უნდა, ყველა ამ საკითხს თანათავმჯდომარეებს აწვდის და ძალიან მკაფიოდ და მწვავედ განიხილავენ ჟენევის ფორმატში. ბუნებრივია, არანაირი სამართლებრივი შეფასება ამას არ შეიძლება მიეცეს, ყველანაირი ნორმის დარღვევაა. ამას არავინ უჭერს მხარს, არც ერთი ჩვენი საერთაშოროსო პარტნიორი, ვინც აღიარებს ჩვენი ქვეყნის სუვერენიტეტს და ტერიტორიულ მთლიანობას",- განაცხადა ზალკალიანმა.
![]()
ავტორი: ,
epn.ge (@expressnews.ge)
