საქართველოს ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტოს ორგანიზებით, მოწვეული ექსპერტების მონაწილეობით საქართველოში არსებული სამეცნიერო კვლევითი ინსტიტუტების ინოვაციების და ტექნოლოგიების კომერციალიზაციის პოტენციალის შესწავლა ხორციელდება.

პროცესის წარმართვისათვის და კომერციალიზაციის პოტენციალის შესაფასებლად პროექტში მონაწილეობას იღებენ ექსპერტები მასაჩუსეტსის ტექნოლოგიური უნივერსიტეტიდან (MIT). პროექტი 2 ფაზად არის დაყოფილი. პირველი ფაზა მოიცავს სამეცნიერო-კვლევითი ინსტიტუტების სამეცნიერო-ტექნოლოგიური პოტენციალის, სამეცნიერო ტექნოლოგიური მიღწევების, გამოგონებების ასევე ტექნიკური ბაზისის აღწერას. პროცესში გროვდება ინფორმაცია სამეცნიერო ტექნოლოგიური მიღწევების პროტოტიპების არსებობის, მათი დახვეწისათვის საჭირო მოწყობილობების თუ პროცესების, თანმდევი თანამშრომლობის სხვა უწყებებთან საჭიროების შესახებ.

პროექტის შემდგომი ფაზა იდენტიფიცირებული პოტენციალის კომერციალიზაციის ანალიზსა და ქვეყნისათვის პერსპექტიული მიმართულების იდენტიფიცირებას მოიცავს.

„პროექტის მიზანია საქართველოს სამეცნიერო-ტექნოლოგიური პოტენციალის დადგენა და მისი ეკონომიკის განვითარების პროცესში წილის გაზრდაა. მასაჩუსეტსის ტექნოლოგიური უნივერსიტეტის სპეციალისტები ქართულ მხარეს ასევე არსებული სამეცნიერო-ტექნოლოგიური პოტენციალის საერთაშორისო ბაზარზე წარმოსაჩენად კონტაქტების დამყარებაში და შესაბამისი პარტნიორული ურთიერთობების ჩამოყალიბების პროცესში დაეხმარებიან. როგორც თვითონ მოწვეული ექსპერტები აღნიშნავენ საკმაოდ ბევრი მიმართულებით საქართველოს მნიშნელოვანი ინოვაციები გააჩნია, რომელსაც მსოფლიო ბაზარზე დამკვიდრება შეუძლია“, - აცხადებენ საქართველოს ინოვაციების და ტექნოლოგიების სააგენტოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს