"განსხვავებულთა მიმართ აგრესია, იქნება ეს რელიგიური შეხედულების თუ სექსუალური ორიენტაციის მიხედვით, შემაშფოთებელია“,-ამის შესახებ საქართველოს პრეზიდენტმა გიორგი მარგველაშვილმა ადამიანის უფლებათა და თავისუფლებათა დაცვის შესახებ ყოველწლიური ანგარიშის წარდგენისას   განაცხადა. 

მისივე თქმით, განსხვავებული ადამიანების  მიმართ აგრესია სახელმწიფოებრივად საშიშია საქართველოსთვის. 

„განსხვავებულთა მიმართ აგრესია შემაშფოთებელია, სახელმწიფოებრივად ძალიან საშიშია საქართველოსნაირი ქვეყნისთვის, არამარტო ადამიანის უფლებათა დაცვის ლოგიკიდან, არამედ სახელმწიფოს უსაფრთხოებიდან, პოლიტიკური სისტემებიდან და მდგრადობიდან გამომდინარე.  ასეთი შემთხვევები   სერიოზულად უნდა იქნას განხილული“,-აღნიშნა გიორგი მარგველაშვილმა. 
ამასთან, როგორც მარგველაშვილმა აღნიშნა,  საქართველო მრავალეთნიკურ  და მრავალრელიგიურ საზოგადოებად  დღეს არ ჩამოყალიბებულა. 
„მრავალეთნიკურ და მრავალრელიგიურ საზოგადოებად  დღეს არ ჩამოვყალიბებულვართ. იდეოლოგია, რომელიც უკავშირდება განსხვავებულთა მიმართ  დამოკიდებულებას არის შემაშფოთებელი. ჩვენ ვერ შევქმნით სახელმწიფოს, სადაც  თუ განსხვავებული ადამიანები თავს დაცულად ვერ იგრძნობენ, ამით ჩვენ შევარყევთ სახელმწიფოს ფუნდამეტს და მდგრადობას. აუცილებლად მიმაჩნია, რომ ამ საკითხების მიმართ საგანგებო ყურადღება იყოს გამახვილებული“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენები ტრამპის ადმინისტრაციას მიმართავენ თხოვნით, საქართველოში რუსულ-ჩინური აგენტურის მოქმედება შეისწავლონ

თიბისის მხარდაჭერით, სამშენებლო მასალების საერთაშორისო გამოფენის - Caucasus Build - ფარგლებში კონფერენცია გაიმართა

2025 წლის მხოლოდ 11 თვის მონაცემით, 436 არასრულწლოვანი ორსული დარეგისტრირდა - ომბუდსმენი

რეგისტრირებულ წამალზე იმის საუბარი, ბავშვებს ხომ არ დააზიანებს, აბსურდულია - გვიშიანი