საერთაშორისო რესპუბლიკური ინსტიტუტის კვლევების ცენტრის მიერ გამოქვეყნებული კვლევის თანახმად, ხვალ რომ საპარლამენტო არჩევნები იყოს გამოკითხულთა 27% ხმას "ქართულ ოცნებას" მისცემდა. 

კვლევაში მეორე ადგილს "ერთიანი ნაციონალური მოძრაობა" იკავებს, რომელსაც ხმას მოსახლეობის 17% მისცემდა, მესამე ადგილზე "ევროპული საქართველოა" - 7%-ით. "ლეიბორისტულ პარტია" - 5%, "პატრიოტთა ალიანსი" - 4%, "დემოკრატიული მოძრაობა" - 3%, "ახალი საქართველო" - 2%, "თავისუფალი დემოკრატები" - 1%, "გირჩი" - 1%. 

აღსანიშნავია, რომ გამოკითხულთა 19% ამბობს, რომ ხმას არც ერთ პოლიტიკურ პარტიას არ მისცემდა, ხოლო 14%-მა კითხვა უპასუხოდ დატოვა. 

კითხვაზე - რომელ პოლიტიკურ პარტიას არასდროს მისცემდეთ ხმას, მოსახლეობის 27%-მა "ქართული ოცნება" დაასახელა. "ნაციონალურ მოძრაობას" ხმას არ მისცემდა 24%, "დემოკრატიულ მოძრაობას" კი 10%. 

დანარჩენი პარტიების პროცენტულობა შემდეგნაირად გადანაწილდა: "გირჩი" - 9%, "პატრიოტთა ალიანსი" - 9%, "ლეიბორისტული პარტია" - 8%, "ევროპული საქართველო" 8%, "ახალი საქართველო" 6%, "რესპუბლიკური პარტია" - 5%, "თავისუფალი დემოკრატები" - 3%. 

ცნობისთვის, კვლევა ჩატარებულ იქნა ბალტიის კვლევების / გელაპის ორგანიზაციის მიერ საერთაშორისო რესპუბლიკური ინსტიტუტის კვლევების ცენტრის დავალებით. მონაცემთა შეგროვება მოხდა 2018 წლის 10-22 აპრილის შუალედში და გამოკითხულ იქნა საარჩევნო უფლების მქონდე 1500 საქართველოს მოქალაქე. რესპოდენტთა გამოპასუხების პროცენტია 71, ხოლო ცდომილების ზღვარია +/- 2.5 პროცენტი.

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ