ძიუდოს ფედერაციის პრეზიდენტმა დავით ქევხიშვილმა აღმასკომის წევრებს ნაკრების მწვრთნელის ერთ-ერთ კანდიდატად ჰოლანდიელი სპეციალისტი ლუის ვაიდენბოში წარუდგინა. 

როგორც ქევხიშსვილმა აღნიშნა, ფედერაციის აღმასკომის წევრები ლუის კვაიდენბოშის პროგრამას ისმენენ. მისივე თქმით, ფედერაცია მოლაპარაკებებს სხვა უცხოელ მწვრთნელებთანაც აწარმოებს.
ძიუდოს ფედერაციის პრეზიდენტმა დასძინა, რომ ეს საქმიანი შეხვედრაა და მწვრთნელის პოზიციაზე მოლაპარაკებების დასრულებამდე არავინ დაინიშნება. 

გარდა ამისა, ქევხიშვილმა ფედერაციაში არსებულ დაძაბულობასა და ძიუდოისტების მიერ გამართულ აქციაზე საუბარი არ ისურვა. მისივე თქმით,  აღმასკომის წევრებთან აღნიშნულ საკითხზე მსჯელობა არ იქნება. 

აღსანიშნავია, რომ აღმასკომის სხდომა, პროტესტის ნიშნად აღმასკომის წევრმა და სპორტისა და ახალგაზრდობის კომიტეტის თავმჯდომარის მოადგილემ, შოთა ხაბარელმა დატოვა. 

ხაბარელის განცხადებით, მისთვის მიურებელია შეხვედრის ფორმატი. 

"ფაქტობრივად რეალობის გრძნობა დაკარგული აქვთ. მე ვკითხე დავით ქევხიშვილს თუ ვისი მწვრთნელი უნდა იყოს ჰოლანდიელი სპეციალისტი. ვარჯიშზე სპორტსმენები არ დადიან", - განაცხადა ხაბარელმა. 

ცნობისთვის, ძიუდოისტები დავით ქევხიშვილის გადადგომას ითხოვენ. სპორტსმენები პერიოდულად აქციებს მართავენ და აცხადებენ, რომ ქევხიშვილი ფედერაციას ერთპიროვნულად მართავს. თავად ქევხიშვილი თანამდებობის დატოვებას არ აპირებს.

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა