იუსტიციის სახლის ხელმძღვანელი პირები გურამ თავართქილაძის სახელობის თბილისის სასწავლო უნივერსიტეტის სტუდენტებს შეხვდნენ.

ღონისძიებაზე იუსტიციის სახლის ფილიალებში დასაქმების, კარიერული ზრდისა და განვითარების საკითხებზე ისაუბრეს.

იუსტიციის სახლის აღმასრულებელი დირექტორი გივი აზაურაშვილი და მისი მოადგილე მარიამ ლაცაბიძე უმაღლეს სასწავლებელში თავად სტუდენტებმა მიიწვიეს.

შეხვედრას გურამ თავართქილაძის სახელობის თბილისის სასწავლო უნივერსიტეტის რექტორი გიორგი მათიაშვილი, ამავე სასწავლებლის პროფესორები, ლექტორები და დამამთავრებელი კურსის სტუდენტები ესწრებოდნენ.

როგორც ცნობილია, იუსტიციის სახლი იუსტიციის სამინისტროს დაქვემდებარებაში მყოფი საჯარო სამართლის იურიდიული პირია, რომლის ფარგლებში მოქცეულია სახელმწიფო სერვისების დიდი უმრავლესობა. ორგანიზაცია სწრაფი და ეფექტური ნაბიჯების გადადგმით მნიშვნელოვნად ამარტივებს საჯარო სერვისების ხელმისაწვდომობას და მოქალაქეების ურთიერთობას საჯარო სექტორთან. აღნიშნულმა თავის მხრივ განაპირობა სტუდენტების განსაკუთრებული ინტერესი.

იუსტიციის სახლში სტაჟირების გავლისა თუ დასაქმების მსურველ ახალგაზრდებს აქვთ საშუალება გაიარონ მოკლე და საუკეთესო გზა კარიერული ზრდისა და განვითარებისთვის. ორგანიზაციაში წარმატებული გუნდური თანამშრომლობისთვის შექმნილია ყველა საჭირო პირობა. 

იუსტიციის სახლის ფილიალებში ახლადდასაქმებულებს მიმდინარე საკითხებში გარკვევისა თუ საწყის ეტაპზე არსებული პრობლემების მოგვარებისათვის ეხმარებიან   გამოცდილი სპეციალისტები, უწევენ მათ კონსულტაციებს და სთავაზობენ  პრაქტიკულ მხარდაჭერას.  ეს კი თავის მხრივ დასაქმებულისთვის ახალ პირობებში ადაპტაციის გაადვილების მიზნით, პროფესიული განვითარების  გზაზე მნიშვნელოვანი წინაპირობაა.   

იუსტიციის სახლში დასაქმების პროცედურა ღია და გამჭვირვალეა, თითოეული კადრის დანიშვნა ღია კონკურსის წესით ხდება; გამოცხადებულ კონკურსში მონაწილეობის მიღების მსურველები უნდა დარეგისტრირდნენ საჯარო სამსახურის ბიუროს ვებ გვერდზე www.hr.gov.ge-ზე, შეავსოთ სააპლიკაციო ფორმა და  ონლაინ გააკეთონ განაცხადი საჯარო სამსახურში არსებულ ნებისმიერ ვაკანსიაზე. ეს არის გზა, რომლითაც შეუძლიათ დაინტერესებულ კანდიდატებს მიიღონ მონაწილეობა კონკურსში და დაიწყონ  კარიერა იუსტიციის სახლში.

(NS)

ავტორი: ,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება