ძიუდოს ეროვნული ნაკრების სპორტსმენებისა და კულტურისა და სპორტის მინისტრის მიხეილ გიორგაძის შეხვედრა დახურულ კარს მიღმა დასრულდა.

როგორც შეხვედრის დასრულების შემდეგ მინისტრმა ჟურნალისტებს განუცხადა, ეს ძალიან კონსტრუქციული შეხვედრა იყო. მისივე თქმით, უახლოეს მომავალში კიდევ ერთი შეხვედრა გაიმართება.

"შეხვედრამ ძალიან მშვიდად, კონსტრუქციულ რეჟიმში ჩაიარა. ბევრ საკითხზე ვისაუბრეთ. ვაღიარებ, რომ საკითხი საკმაოდ მწვავედ დგას და ამიტომ, სერიოზულ და სიღრმისეულ შესწავლას საჭიროებს. შესაბამისი დავალებები უკვე გავეცი ამა თუ იმ საკითხების შესწავლასთან დაკავშირებით. სპორტსმენების შევპირდი, რომ შეხვედრა კიდევ გვექნება, იმისთვის, რომ საკითხების განხილვა ისევ მოხდა. კონკრეტული გადაწყვეტილებები დღეს არ მიგვიღია და არც დაპირებები მიგვიცია სპორტსმენებისთვის. მსჯელობა შედგება როგორც ძიუდოისტებთან, ასევე ფედერაციის ხელმძღვანელობასთანაც. ემოციები და ტემპერატურა საკმაოდ აწეულია და ამ პროცესს არ გავწელავთ", - განაცხადა მიხეილ გიორგაძემ.

ცნობისთვის, დღეს ძიუდოს ნაკრების წევრებმა ფედერაციასთან აქცია გამართეს. სპორტსმენები ძიუდოს ფედერაციის პრეზიდენტის დავით ქევხიშვილის გადადგომას ითხოვენ. როგორც ეროვნული ნაკრების კაპიტანმა ვარლამ ლიპარტელიანმა განაცხადა, სპორტსმენები აქციებს იქამდე გამარტავენ სანამ მათი მოთხოვნა არ დაკმაყოფილდება. ტავის მხრივ დავით ქევხიშვილმა აღნიშნა, თანამდებობიდს დატოვეას არ აპირებს. 

შეგახსენებთ, რომ 10 მაისს ძიუდოს ფედერაციის ყრილობა გაიმართება. 

ავტორი: ,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო