ჯანდაცვის კომიტეტის თავმჯდომარის აკაკი ზოიძის განცხადებით, თამბაქოს კონტროლის შესახებ კანონში შესული რეგულაციები 2 100 არამწეველ მოქალაქეს გადაარჩენს, რომელიც ყოველწლიურად პასიური მოწევის შედეგად იღუპება.

"პირველი მაისი არ არის შემთხვევით ურთიერთსოლიდარობის დღე. დღეს მას დამატებითი დატვირთვა მიენიჭა. ეს არის მწეველი მოქალაქეების სოლიდარობა არა მწეველების მიმართ. ამ მცირე უხერხულობით რაც არის ადგომა სკამიდან და გარეთ გასვლა და იქ მოწევა, გადავარჩენთ იმ 2 100 არამწეველ მოქალაქეს, რომელიც პასიური მოწევის შედეგად იღუპება ყოველწლიურად, მათ შორის 300-მდე ბავშვია. კიდევ ერთხელ ხაზს ვუსვამ გარეთ გასვლას, რადგან არ იქნება არანაირი ზონები გამოყოფილი, მხოლოდ აივნები, ტერასები და შესაბამისად მოწყობილი ადგილები", - განაცხადა ზოიძემ.

ზოიძემ ეკონომიკურ არგუმენტებზეც გაამახვილა ყურადღება. მისი თქმით, შემდეგი 15 წლის განმავლობაში ქვეყანა 3.5 მილიარდი ლარის სარგებელს მიიღებს.

"კიდევ არის ეკონომიკური არგუმენტი. შემდეგი 15 წლის განმავლობაში ქვეყანა 3.5 მილიარდი ლარის სარგებელს იმ დანაკარგების აღმოფხვრით მიიღებს, რაც თამბაქოს მიერ გამოწვეული დაავადებებით ვლინდება. არანაირი ნეგატიური ზემოქმედება ამას არ ექნება, არანაირი მწეველთა უფლება არ არსებობს, ადამიანის მოწამლვაში. ერთი ადამინის უფლება მთავრდება იქ სადაც სხვისი უფლება იწყება და მის ჯანმრთელობასა და სიცოცხლეს ეხება. ამით ჩვენ კიდევ ერთხელ გადავარჩენთ ჩვენი მოქალაქეების სიცოცხლეს, ჩვენი საყვარელი ადამიანებისა და ბავშვების ჯანმრთელობას. ეს არის მთელი არსი", - აღნიშნა ზოიძემ.

შეგახსენებთ, რომ დღეიდან, თამბაქოს და ელექტროსიგარეტის მოწევა სხვადასხვა დაწესებულებებში იკრძალება, მათ შორის ბარებსა და რესტორნებშიც. ცვლილებები თამბაქოს კონტროლის შესახებ საქართველოს კანონში შევიდა.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა