ბავშვებზე სექსუალურ ძალადობაში ბრალდებულ ადამიანებს ინდოეთში სიკვდილით დასჯიან.

Dailypakistan-ის ცნობით, გადაწყვეტილება მინისტრთა კაბინეტმა საგანგებო სხდომაზე, პრემიერ-მინისტრ ნარენდრა მოდის ევროპული ტურნედან დაბრუნების შემდეგ მიიღო.

ახალი კანონი ძალაში ექვსი თვის ვადაში შევა. ამ დროის განმავლობაში, პრეზიდენტმა მას ხელი უნდა მოაწეროს.

ინდოეთში მასობრივი საპროტესტო აქციები აპრილის დასაწყისში დაიწყო, როდესაც ინდოეთის მიერ ადმინისტრირებულ ქაშმირის ზონაში მუსლიმ არასრულწოვან გოგონაზე ინდუსებმა იძალადეს. 
8 წლის გოგონა, ასიფა ბანო, ჯგუფურად გააუპატიურეს და მოკლეს. მისი ცხედარი ტყეში იპოვეს. ამ ფაქტმა ინდოეთსა და მთელს მსოფლიოში უდიდესი აღშფოთება გამოიწვია.

ინდოეთის დანაშაულთან ბრძოლის ბიუროს ცნობით, 2016 წელს ქვეყნის მასშტაბით ბავშვების მიმართ სექსუალური ძალადობის 18 862 ფაქტი დაფიქსირდა.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი