„ვფიქრობ, რომ ნატო-საქართველოს ურთიერთობა არის ძალიან ძლიერი, იმაზე ძლიერიც კი, ვიდრე აქამდე გვახსოვს. ნატო-ს მხრიდან საკმაოდ ძლიერი მხარდაჭერა არსებობს საქართველოს თავდაცვის უნარიანობის გაძლიერების და დემოკრატიული ინსტიტუტების განმტკიცების მიმართულებით", - ამის შესახებ საქართველოში ნატო-ს სამოკავშირეო ოფისის  ხელმძღვანელმა როზარია პუგლისმა ნატო-ს დღეების ფარგლებში, რეგიონებში პირველი შეხვედრის შემდეგ განაცხადა.

საგარეო უწყების ინფორმაციით, პუგლისმა ხაზი გაუსვა მოსახლეობასთან შეხვედრების მნიშვნელობას და მათთვის ისეთი ინფორმაციის გაზიარებას, რაც ყოველდღიური ცხოვრების ნაწილს არ წამოადგენს.

„საქართველოს ნატო-ში გაწევრიანებას მოსახლეობის დიდი მხარდაჭერა აქვს. მაგრამ ჩვენ გვესმის, რომ მხოლოდ ეს საკმარისი არ არის. ეს ენთუზიაზმი არ უნდა მივიღოთ როგორც თავისთავად არსებული ფაქტი და არ უნდა გავაუფასუროთ მისი მნიშვნელობა, არამედ მოსახლეობას უნდა მივაწოდოთ ინფორმაცია განხორციელებული აქტივობებისა და ამ ურთიერთობის სამომავლო პერსპექტივების შესახებ“, - განაცხადა ნატო-ს სამოკავშირეო ოფისის ხელმძღვანელმა.

ჟურნალისტებთან საუბრისას როზარია პუგლისმა ხაზი გაუსვა გასულ წელს მაღალი დონის ვიზიტების მნიშვნელობას და აღნიშნა, რომ წელსაც რამდენიმე მნიშვნელოვანი ვიზიტია დაგეგმილი.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა