სირიის საჰაერო დაცვის ძალებმა პროვინცია ჰომსში ავიაიერიშს უპასუხეს, - ამის შესახებ სააგენტო Sana იუწყება.

მედია საშუალების ინფორმაციით, იერიშის სამიზნე ავიაბაზა შაირათი იყო. გარდაცვლილთა ან დაშავებულთა შესახებ ცნობები ჯერჯერობით არ გავრცელებულა. სირიის ძალებმა დაახლოებით 10 რაკეტა მოიგერიეს.

ამასთან, სააგენტო Al-Masdar-ი იტყობინება, რომ ავიაიერიში სირიის ბაზაზე ისრაელმა მიიტანა. გამოცემა წერს, რომ სირიის არმიამ ავიაიერიშს უპასუხა და სამხედრო თვითმფრინავებს რაკეტები დაუმიზნა.

მოგვიანებით, გამოცემა Almayadeen-მა დაწერა, რომ დამასკოს მახლობლად კიდევ ერთი იერიში განხორციელდა, რომელიც აეროდრომზე მიიტანეს.

ცნობისთვის, ეს არ არის პირველი შემთხვევა, როდესაც ისრაელმა სირიაზე ავიაიერიში მიიტანა. ისრაელის ხელისუფლებაში აცხადებენ, რომ იერიშით ისინი პროირანულ მოძრაობა "ჰეზბოლას" იარაღის ტრანპოსრიტებაში უშლისიან ხელს. ჰეზბოლა სირიის პრეზიდენტის ბაშარ ასადის მხარეს იბრძვის.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება