ევროკავშირის საგარეო საქმეთა მინისტრები სირიაში ქიმიური თავდასხმის დაუყოვნებლივ დამოუკიდებელ გამოძიებას ითხოვენ. ამის შესახებ ლუქსემბრუგში მინისტრების მიმდინარე შეხვედრაზე მიღებულ განცხადებაშია ნათქვამი.

ევროკავშირის მინისტრთა საბჭო ადასტურებს ევროკავშირის პოზიციას, რომ ქიმიური იარაღის გამოყენება მიუღებელია და წარმოადგენს საერთაშორისო სამართლის დარღვევას.

„ევროკავშირი აღშფოთებით აღნიშნავს სირიაში ქიმიური იარაღის კონვენციის დარღვევის ფაქტებს. ევროკავშირი სრულად უჭერს მხარს ქიმიური იარაღის აკრძალვის ორგანიზაციის მისიის მუშაობას, რომელიც ქიმიური იარაღის გამოყენების ფაქტს იძიებს სირიაში“, - ნათქვამია განცხადებაში. 

მინისტრები მიიჩნევენ, რომ ეს დანაშაული არ უნდა დარჩეს დაუსჯელი, ხოლო პასუხისმგებელი პირები უნდა გასამართლდნენ.

განცხადებაში წერია, რომ ევროკავშირი მსოფლიოში ქიმიური იარაღის აკრძალვისა და ლიკვიდაციის მხარდაჭერაში ერთიანია. საბჭო მიიჩნევს, რომ ნებისმიერი ქიმიური იარაღის გამოყენება, მათ შორის იარაღად ტოქსიკური ნივთიერებების გამოყენება, იქნება ეს სახელმწიფო თუ არა სახელმწიფო მოთამაშე მკაცრდ დაისჯება.

ევროკავშირი მოუწოდებს რუსეთს, ირანს და თურქეთს უზრუნველყონ როგორც საომარი მოქმედებების შეწყვეტა და სირიის მთელ ტერიტორიაზე ჰუმანიტარული დახმარების შეუფერხებელი და უსაფრთხო წვდომა, ასევე ცეცხლის შეწყვეტის შესახებ შეთანხმების დაცვა.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება