„მე ნამდვილად არ მინდა იმ გადაწყვეტილების თანამონაწილე ვიყო, რომლითაც პატრიარქის მაგინებელი და მართლმადიდებელობის მაგინებელი ხდება საზოგადოებრივი მაუწყებლის ბორდის წევრი“, - ამის შესახებ, საპარლამენტო დეპუტატმა გედევან ფოფხაზემ განაცხადა.

მისი თქმით, ის მზად არის გაემიჯნოს ყველას, ვინც ნინია კაკაბაძის კანდიდატურას მხარი დაუჭირა.

„ჩემთვის ეს პრინციპულად არის მიუღებელი. მე მიმაჩნია, რომ ეს არის პირდაპირი წახალისება საზოგადოების იმ რეაქციული ჯგუფების და რეაქციული წარმომადგენლების, რომლებიც თავისი ცხოვრების წესად, თავის ცხოვრებაში დამკვიდრების წესად სხვა ადამიანების რელიგიური, მორალური თუ ზნეობრივი გრძნობების გინებით არიან დაკავებულები. ამიტომ ასეთი გადაწყვეტილებისგან მე მაქსიმალურად  ვაპირებ გავემიჯნო ყველას, მათ შორის იმ ადამიანებსაც, რომლებმაც „ქართული ოცნების“ შემადგენლობიდან  ამ გადაწყვეტილებას მხარი დაუჭირეს. მე ასეთ შემთხვევაში დავტოვებ უმრავლესობასაც, „ქართულ ოცნებასაც“, ყველა იმ პარტიულ თუ პოლიტიკურ თანამდებობას რომელიც მიკავია“, - აღნიშნა ფოფხაძემ. 

გარდა ამისა,  ფოფხაზე  გეგმავს მიმართოს საპროცედურო საკითხთა კომიტეტს, რათა ხმების ნამდვილობა გადაამოწმოს.

 შეგახსენებთ, რომ პარლამენტმა საზოგადოებრივი მაუწყებლის სამეურვეო საბჭოს წევრების შესარჩევ კენჭისყრაზე იზაბელა ოსიპოვას და ნინია კაკაბაძის კანდიდატურებს მხარი დაუჭირა.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა