პოლონეთისა და ჩეხეთის საგარეო საქმეთა სამინისტროები ცხინვალში არჩილ ტატუნაშვილის მკვლელობას ეხმაურებიან.

პოლონეთის საგარეო უწყების „ტვიტერის“ გვერდზე გამოქვეყნებულ განცხადებაში ნათქვამია, რომ არჩილ ტატუნაშვილი, რომელიც გაურკვეველ გარემოებაშია გარდაცვლილი, რუსეთის მიერ საქართველოს ტერიტორიის უკანონო ოკუპაციის მორიგი მსხვერპლია. პოლონეთი მოითხოვს საქართველოს მოქალაქის დაღუპვის ობიექტურ და დაუყოვნებლივ გამოძიებას და დამნაშავეების დასჯას. პოლონეთი ასევე ოკუპირებულ ტერიტორიაზე უკანონოდ დაკავებული საქართველოს მოქალაქეების დაუყოვნებლივ გათავისუფლებას მოითხოვს.

აღნიშნულ ტრაგიკულ მოვლენასთან დაკავშირებით „ტვიტერის“ მეშვეობით განცხადება გაავრცელა ასევე ჩეხეთის რესპუბლიკის საგარეო საქმეთა სამინისტრომ.

განცხადებაში ჩეხეთის საგარეო უწყება ღრმა შეშფოთებას გამოთქვამს საქართველოს მოქალაქე არჩილ ტატუნაშვილის ტრაგიკული დაღუპვის გამო. როგორც განცხადებაშია აღნიშნული ჩეხეთი გმობს ოკუპირებული ცხინვალის რეგიონში ადამიანის უფლებათა დარღვევის ფაქტებს და მოითხოვს ადგილზე ადამიანის უფლებათა საერთაშორისო ინსტიტუტების დაშვებას.

ავტორი: ,

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა