ხორავას ქუჩაზე მომხდარი მოზარდების მკვლელობის საქმეზე დღეს ბრალდების მხარემ 51-ე სკოლის მოსწავლე მოწმედ წარადგინა.

როგორც საქმის პროკურორმა ზვიად ფხაკაძე განაცხადა, მოსწავლის ჩვენება მნიშვნელოვანია რადგან ის მომხდარის თვითმხილველია.

მისივე თქმით, მოწმის ჩვენება ბრალდების მიერ წარმოდგენილი მტკიცებულებების სიზუსტის დადასტურებას მნიშვნელოვნად შეუწყობს ხელს.

"მოწმემ ისაუბრა იმ ფაქტობრივი გარემოებების შესახებ, რომელიც განვითარდა ხორავას ქუჩაზე, ე.წ. არკაში. კერძოდ, მოწმემ ისაუბრა თუ რა ვითარებაში დაიწყო კონფლიქტი, ვისსა და ვის შორის მოხდა კონფლიქტი და რა შემდგომი განვითარება ჰპოვა მოვლენებმა. აღნიშნული მოწმის მიერ დადასტურებული ფაქტობრივი გარემოებები ხელს შეუწყობს მნიშვნელოვნად ბრალდების მხარეს რათა გაამყაროს საქმეში არსებული სხვადასხვა მტკიცებულებები. მოწმის დღევანდელი ჩვენება, სხვა მტკიცებულებებთან ერთობლიობაში, მოგვცემს შესაძლებლობას, რომ ბრალდებულთა მიმართ წარდგენილი ბრალდება დადასტურდეს", - განაცხადა პროკურორმა.

ავტორი: ,

სოციალური ქსელები

როგორ დაბრუნდა ქურდული ესთეტიკა TikTok-სა და მოზარდების სხეულებზე

500-ზე მეტმა უკრაინულმა დრონმა რუსეთის 20 რეგიონს შეუტია

ყირიმში ელექტროენერგიის გათიშვა უკრაინის თავდასხმის შემდეგ მოხდა

რუსმა ოკუპანტებმა კიევში საცხოვრებელი სახლები ამ კვირაში მეორედ დაბომბეს, 11 ადამიანი დაიღუპა და 40-ზე მეტი დაიჭრა