აჭარის მთავრობის თავმჯდომარე ზურაბ პატარაძე, აფხაზეთის მთავრობის თავმჯდომარე ვახტანგ ყოლბაია და საქართველოს დევნილთა და განსახლების მინისტრი სოზარ სუბარი ბათუმის სახელმწიფო უნივერსიტეტში გამართულ ქართველთა და აფხაზთა ურთიერთობებისადმი მიძღვნილ საიუბილეო ღონისძიებას დაესწრნენ.

სახალხო დიპლომატიის გზით მომუშავე პროგრამა „ქართულ-აფხაზური საგა" უკვე 10 წელია აჭარაში მცხოვრებ აფხაზთა ჩართულობით არაერთ ღონისძიებას ახორციელებს. 

ზურაბ პატარაძემ დამსწრე საზოგადოებას სიტყვით მიმართა და საქართველოს მთავრობისა და რეგიონული მთავრობის მხარდაჭერით ქართულ -აფხაზურ ურთიერთობებში წინგადადგმულ ნაბიჯებზე ისაუბრა. რეგიონის ხელმძღვანელმა ხაზი გაუსვა აჭარაში აფხაზური ენის სწავლების შემოღებას. მისი თქმით, აფხაზური ენის სწავლება უკვე ორ ადგილობრივ სკოლაშია შესაძლებელი, ბათუმის რუსთაველის სახელმწიფო უნივერსიტეტში კი შემუშავდა აფხაზური ენის სწავლების პროგრამა და აფხაზური ენა ჩასმულია არჩევით საგნებში. 

„აჭარის რეგიონში მცხოვრები აფხაზები არიან საუკეთესო მაგალითი იმისა, თუ როგორ შეიძლება მშვიდობით იცხოვრო და იყო წარმატებული საქართველოში. დარღვეული ურთიერთობების აღდგენისა და ქვეყნის გამთლიანების საქმეში, მათ შორის ჩვენს რეგიონში მცხოვრები აფხაზების როლი არის უმნიშვნელოვანესი" -აღნიშნა ზურაბ პატარაძემ. 

უნივერსიტეტში გამართული შეხვედრა ქალთა საერთაშორისო ორგანიზაცია კლუბ ,,ბათუმის" და საქართველოს მეცნიერებათა ეროვნული აკადემიის აჭარის რეგიონული ცენტრის ორგანიზებით გაიმართა. 

ღონისძიებას აფხაზეთისა და აჭარის მთავრობის, საქართველოს საპატრიარქოსა და აჭარაში მცხოვრები აფხაზური დიასპორის წარმომადგენლები ესწრებოდნენ.

(NS)

ავტორი: ,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს