2018-03-02 11:52:27, 2278 ნახვა
მსოფლიო
სომხეთის პარლამენტში პრეზიდენტის არჩევის პროცედურა მიმდინარეობს
სომხეთის პარლამენტში პრეზიდენტის არჩევის პროცედურა უკვე დაიწყო.
პრეზიდენტობის ერთადერთი კანდიდატი არმენ სარქისიანია, რომლის კანდიდატურაც მმართველმა კოალიციამ წარადგინა.
დეპუტატები ქვეყნის რიგით მეოთხე პრეზიდენტს ირჩევენ და ეს არის სომხეთის ისტორიაში პირველი შემთხვევა, როდესაც პრეზიდენტს არა ხალხი, არამედ პარლამენტი ირჩევს.
სარქისიანს გუშინ პარლამენტში მოუსმინეს, მან სამომავლო გეგმებსა და გამოწვევებზე ისაუბრა.
მისი განცხადებით, ის კორუფციის წინააღმდეგ იბრძოლებს და ეცდება ქვეყნის ეკონომიკური მდგომარეობა გააუმჯობესოს.
ხმის მიცემის პროცედურა დახურულია. შედეგები კენჭისყრის დასრულების შემდეგ გამოცხადდება.
![]()
ავტორი: ,
epn.ge (@expressnews.ge)
