ქ. ბათუმის ინფექციური პათოლოგიის, შიდსისა და ტუბერკულოზის რეგიონულ ცენტრს დღეიდან ციური აბულაძე უხელმძღვანელებს.

კლინიკის თანამშრომლებს ახალი დირექტორი აჭარის ჯანდაცვის მინისტრმა ზაალ მიქელაძემ წარუდგინა.

„ქალბატონი ციური არის თავისი საქმის პროფესიონალი, აქვს მართვის კარგი უნარი და მჯერა, რომ ახალ საავადმყოფოს ახალ სიცოცხლეს შესძენს და კლინიკა რეგიონში ერთ-ერთი წამყვანი სამედიცინო დაწესებულება იქნება“, - აღნიშნა ზაალ მიქელაძემ.

ციური აბულაძე პროფესიით ექიმია, ის 1992 წლიდან დღემდე მუშაობდა ქ. ბათუმის იოსებ ჩარკვიანის სახელობის სამშობიარო სახლში ექიმ-ანესთეზიოლოგად. უმაღლესი განათლება რუსეთის ფედერაციაში მიიღო, სამედიცინო ინსტიტუტი 1987 წელს დაასრულა. კრანოიარკის მხარეში გაიარა ინტერნატურა, მუშაობდა ადგილობრივ ინფექციურ საავადმყოფოში ექიმ იფექციონისტად. მოგვიანებით გაიარა კვალიფიკაცია ანესთეზიოლოგიის მიმართულებით და კრასნოიარსკის მხარეში 4 წლის განმავლობაში მუშაობდა ექიმ-ანესთეზიოლოგად. ჰყავს მეუღლე, ორი ვაჟი. უახლოეს დღეებში ქ. ბათუმის ინფექციური პათოლოგიის, შიდსისა და ტუბერკულოზის რეგიონული ცენტრი პაციენტებს რებილიტირებულ შენობაში მოემსახურება. ინფექციური საავადმყოფოს A კორპუსის კეთილმოწყობითი სამუშაოები თურქეთის თანამშრომლობისაა და კოორდინაციის სააგენტომ 2016 წელს დაიწყო. დაწესებულება აღიჭურვა უახლესი სამედიცინო აპარატურითა და საოფისე ინვენტარით. სარეკონსტრუქციო სამუშაოები თურქეთის თანამშრომლობისა და კოორდინაციის სააგენტომ (TIKA) დააფინანსა. შენობის რეაბილიტაციისათვის მილიონ დოლარზე მეტი დაიხარჯა. რებილიტირებულ შენობაში განთავსდა ამბულატორია, ინფექციური განყოფილება და შიდსის ცენტრი. აჭარაში ინფექციური საავადმყოფო 1960 წლიდან ფუნქციონირებს, ბოლოს შენობას სრული რემონტი 80-იან წლებში ჩაუტარდა. მას შემდეგ რამდენჯერმე ჩატარდა რემონტი, მაგრამ დაწესებულება მაინც არ შეესაბამებოდა თანამედროვე სამედიცინო სტანდარტებს.

(NS)

ავტორი: ,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს