2018-02-28 16:59:26, 1991 ნახვა
სამართალი
ბარათაშვილზე, შენობის ფასადიდან მინის ჩამოვარდნის შედეგად 6 ბავშვი დაშავდა
ბარათაშვილის ქუჩაზე, ერთ-ერთი შენობის ფასადიდან მინა ჩამოვარდა, რის შედეგადაც ქვეითად მოსიარულე 6 არასრულწლოვანი დაშავდა.
როგორც "ექსპრესნიუსს" შინაგან საქმეთა სამინისტროდან აცნობეს, ექვსივე მათგანი #70-ე საჯარო სკოლის მოსწავლეები არიან.
"სასწრაფო სამედიცინო დახმარების ჯგუფების მიერ დაშავებულები თბილისის სხვადასხვა სამკურნალო დაწესებულებაში გადაიყვანეს. ერთ-ერთი მათგანის ჯანმრთელობის მდგომარეობა მძიმეა. გამოძიება საქართველოს სსკ-ის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს. მიმდინარეობს საგამოძიებო მოქმედებები", - ნათქვამია უწყების მიერ გავრცელებულ ინფორმაციაში.
![]()
ავტორი: ,
epn.ge (@expressnews.ge)
