საქართველოს იუსტიციის მინისტრი თეა წულუკიანი ფიქრობს, რომ სამართალდამცველების შეურაცხყოფისთვის ფულადი სანქციების გაზრდასთან დაკავშირებით კანონპროექტი უფრო ადრე უნდა შემუშავებულიყო.

როგორც მან ჟურნალისტებს განუცხადა, პოლიციელები თითოეული მოქალაქის უსაფრთხოებას იცავენ და მათზე ხელის აღმართვა უფრო მკაცრად უნდა ისჯებოდეს, ვიდრე ეს დღეს ხდება.

„ვფიქრობ, შინაგან საქმეთა სამინისტროს ინიციატივა არათუ დროულია, არამედ უფრო ადრეც ყველას ერთად უნდა განგვეხორციელებინა, ამიტომ ჩვენ ერთხმად დავუჭირეთ მხარი ამ ინიციატივას მთავრობის სხდომაზე. იმედი გვაქვს, პარლამენტში ეს მიდგომები გაზიარებული იქნება, რადგან ჩვენ, საქართველოს მოქალაქეებს, ყველას უნდა გვესმოდეს, რომ პოლიციელი იცავს ჩვენს უსაფრთხოებას, პოლიციელის საქმე ძალიან პატივსაცემია, სირთულეებით სავსე სამსახური, რომელსაც ისინი ეწევიან, საკმაოდ მწირი ხელფასის პირობებში და მათაც ჰყავთ ოჯახები. მიუხედავად ამისა, ღამის განმავლობაში, მაშინ როდესაც ჩვენ გვძინავს, ისინი ჩვენს უსაფრთხოებას იცავენ. აქედან გამომდინარე, ასეთ ადამიანებზე ხელის აღმართვა, ვფიქრობ დიახ, უნდა ისჯებოდეს უფრო მკაცრად, ვიდრე დღეს ისჯება“, - განაცხადა წულუკიანმა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს