პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა მსოფლიო ბანკის მისიასთან, რომელსაც ბანკის მთავარი ეკონომისტი ჰანს ტიმერი ხელმძღვანელობდა, შემაჯამებელი შეხვედრა გამართა. 

მისიამ ოთხი დღის განმავლობაში შეხვედრები გამართა მთავრობის, კერძო სექტორისა და აკადემიური წრეების წარმომადგენლებთან და მათთან blockchain-ის ტექნოლოგიების არსებულ ვითარებასა და განვითარებასთან დაკავშირებულ საკითხებს განიხილავდა.

შეხვედრაზე მსოფლიო ბანკის მისიის ხელმძღვანელმა დადებითად შეაფასა საქართველოში blockchain-ის ტექნოლოგიების განვითარების ხარისხი. 

მისი თქმით, საქართველო ინოვაციების მიმართულებით სწრაფად ვითარდება  და მას დიდი პოტენციალი აქვს.

ჰანს ტიმერი ასევე დაინტერესდა საქართველოში აღნიშნული ტექნოლოგიების მდგომარეობით, განვითარების ხედვითა და სამომავლო გეგმებით.

შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილე ეკატერინე მიქაბაძე და მსოფლიოს ბანკის რეგიონული დირექტორი სამხრეთ კავკასიაში მერსი ტემბონი.

(NS)

ავტორი: ,

სოციალური ქსელები

გამოკითხვა: ტრამპის მოწონების რეიტინგი რეკორდულად დაბალ ნიშნულამდე დაეცა

საკრუიზო გემზე MV Hondius ჰანტავირუსის აფეთქების შედეგად სულ მცირე სამი ადამიანი დაიღუპა

ტრამპი ჰორმუზის სრუტეში ჩარჩენილი გემების და ტანკერების გათავისუფლების ოპერაციას იწყებს

OPEC+-ის შვიდმა ქვეყანამ ნავთობის მარაგების გაზრდის შესახებ განაცხადა